29/05/2004   shekulli 

Anila Rama

TIRANE- Shqipëria shumë shpejt mund të kthehet në një kosh të madh të grumbullimit të plehrave nga e gjithë Europa. Kjo falë një projektvendimi të dyshimtë dhe të fshehtë, i cili është duke u negociuar mes qeverisë shqiptare dhe firmës italiane “Albaniabeg Ambient” për nënshkrimin e marrëveshjes koncesionare të formës BOO me qëllim ndërtimin e një impianti për përpunimin e mbetjeve të ngurta urbane të qarqeve e Tiranës dhe Durrësit në Kashar. Firma në fjalë kërkon që pas ndërtimit të impinatit, të realizojë përpunimin e të gjitha mbetjeve kundrejt kostos zero, por duke vendosur si kusht kryesor që 39 për qind e kapacitetit të saj, të shërbejë për përpunimin e plehrave të importuara nga Italia. Që në këtë pikë shkelet me të dyja këmbët ligji “Për administrimin mjedisor të mbetjeve të ngurta” në nenin 8 të të cilit përcaktohet në mënyrë të qartë se “ndalohet importimi i mbetjeve dhe i hedhurinave, që rezultojnë nga trajtimi i tyre, me qëllim ruajtjeje, depozitimi ose asgjësimi”. Por relacioni i projektvendimit sqaron se bazë për nënshkrimin e kontratës koncesionare, të shërbejnë VKM e 1994 “Për mbetjet e rrezikshme dhe mbeturinat” dhe një VKM i dhjetorit të kaluar “Për miratimin e rregullave e të procedurave për importimin e mbetjeve për prodhim, përpunim e riciklim”. Projektvendimi ka ngjallur edhe mjaft debate mes tre ministrive që po negociojnë me palën italiane, Ministrisë së Mjedisit, Ministrisë së Rregullimit të Territorit dhe Turizmit dhe Ministrisë së Pushtetit Vendor dhe Decentralizimit. Relacioni paraprak që tre ministritë kanë hartuar për t’ia përcjellë mbledhjes së qeverisë, ku do të shqyrtohet projektvendimi, është firmosur vetëm nga ministri Bashkim Fino, ndërsa dy ministrat e tjerë Ben Blushi dhe Ethem Ruka nuk e kanë firmosur, duke shfaqur rezerva për përmbajtjen e marrëveshjes koncesionare të sipërpërmendur. Nga ana tjetër edhe ministri i Drejtësisë Fatmir Xhafa e ka kundërshtuar miratimin e kësaj marrëveshjeje në formën e një VKM-je. Qeveria i ka hapur rrugë nënshkrimit të kontratës koncesionare me firmën italiane, pas përzgjedhjes së saj nga Organi Shtetëror i Autorizuar, i cili ka përzgjedhur si ofertën më të mirë për ndërtimin e impiantit për përpunimin e mbetjeve urbane në Tiranë dhe Durrës. Ndërkaq nga përpunimi i të gjitha mbetjeve do të prodhohet energji që do të jetë e shfrytëzueshme.
Projekt-kontrata
Firma italiane kërkon që të mos marrë asnjë pagesë nga qeveria shqiptare për përpunimin e të gjitha mbetjeve të ngurta urbane në impiantin që do të ndërtojë në zonën e Kasharit, kur për të njëjtin aktivitet shteti është i detyruar t’i paguajë firmat e tjera me 20-30 dollarë për përpunimin e një tonazhi mbetjesh. Këtë fakt të rëndësishëm e vë në dukje edhe relacioni i hartuar nga tre ministritë që janë pjesë e negociatave me palën italiane. “Oferta e paraqitur nga shoqëria “Albaniabeg Ambient” kundrejt të tjerave që kërkojnë nga 20-30 dollarë USA për trajtimin e një ton mbetje, nuk kërkon asnjë shpërblim për trajtimin e një ton mbetje, shteti nuk do të përballojë asnjë pjesë të shpenzimeve për studimin, projektimin, ndërtimin e impiantit dhe shpronësimin e tokës ku do të ngrihet objekti” thuhet në relacionin e tre ministrive. Por ky “lëshim” në dukje që firma “Albaniabeg ambient”, duket se i bën qeverisë shqiptare, kushtëzohet nga sjellja e tonazheve me mbeturina nga Italia, për t’i përpunuar në këtë impiant, mbetje të cilat pas kontrolleve joprofesionale, fare mirë mund të shërbejnë për të sjellë edhe sasi të vogla mbetjesh radioaktive. Qeveria e argumenton mbështetjen e projektit të paraqitur nga kjo firmë, me faktin që në Planin Kombëtar të Menaxhimit të Mbetjeve të Ngurta, është përcaktuar se administrimi i mbetjeve të ngurta në fazën fillestare do të realizohet përmes teknologjive me kosto sa më të ulët. Sipas relacionit, kontrata e përfunduar dhe e shqyrtuar, plotëson kriteret bazë të vlerësimit të këtij propozimi. “Prioriteti kombëtar, përpunimi i mbeturinave të ngurta urbane në vendin tonë e sidomos në qarqet Tiranë -Durrës, ku është përqëndruar rreth 30 për qind e popullsisë së vendit, po bëhet gjithnjë e më urgjent dhe i domosdoshëm për ta vënë në rrugën e zgjidhjes. Projekti i propozuar nga shoqëria “Albaniabeg Ambient” plotëson një kërkesë të tillë të bazuar në teknologjinë që ofron, teknologji e avancuar që e ka zbatuar në shumë vende të botës”-thuhet në relacionin sqarues që shoqëron marrëveshjen. Aty pohohet se shtimi i mbetjeve urbane, ka rënduar situatën e përpunimit të tyre, sepse kalohet nga mbetjet me lëndë organike, të kompostueshme lehtësisht dhe ekonomikisht, në mbetje të kompostueshme vetëm pas disa operacionesh të pakta ekonomike seleksionimi. Kjo sipas palës shqiptare, bëhet me qëllim përfitimin e mbetjeve të vështira për t’u përpunuar siç janë xhami, plastiket dhe metalet. Nga ana tjetër është argumentuar se në bazë të analizave të kryera, prodhimi i mbetjeve urbane për person në vend është 0.8 kilogram dhe ka tendencën për t’u rritur. “Gjendja aktuale e vendeve të trajtimit për zonën më të populluar të vendit Tiranë-Durrës, është shumë shqetësuese. Vendet e trajtimit të vendosura pa asnjë lloj kriteri për pakësimin e ndikimit në mjedis, e lidhur kjo me vendin ku janë vendosur dhe tipin e ndërtimit, janë pa asnjë lloj shtresë papërshkueshmërie dhe mbulimi”, vijon relacioni. Nga ana tjetër ndotjet që mund të shkarkohen, janë kërcënuese edhe për kryeqytetin që është vetëm disa kilometra larg zonës ku mendohet të vendoset ky investim, që arrin në 180 milionë euro. Ndonëse pranohet se projekti italian parashikon ruajtjen e parametrave mjedisorë normale, sipas standardeve të Komunitetit Europian, i kontrolluar rigorozisht në laboratoret, pjesë përbërëse e impiantit, këtë nuk e garanton askush.

Pikat kryesore të kontratës

1)Prioriteti kombëtar,
Përpunimi i mbeturinave të ngurta urbane në vendin tonë e sidomos në qarqet Tiranë -Durrës, ku është përqëndruar rreth 30 për qind e popullsisë së vendit, po bëhet gjithnjë e më urgjent dhe i domosdoshëm për ta vënë në rrugën e zgjidhjes.
2) Të qenit unik dhe origjinal
Projekti i propozuar nga shoqëria “Albaniabeg Ambient” plotëson një kërkesë të tillë bazuar në teknologjinë që ofron. Këtë lloj teknologjie, shoqëria e ka aplikuar në shumë vende të botës dhe njihet si nga teknologjitë më të avancuara
3)Të qënit me kosto të ulët
Oferta e paraqitur nga shoqëria “Albaniabeg Ambient” kundrejt të tjerave që kërkojnë nga 20-30 dollarë USA për trajtimin e një ton mbetjeje, nuk kërkon asnjë shpërblim për trajtimin e një ton mbetje, shteti nuk do të përballojë asnjë pjesë të shpenzimeve për studimin, projektimin, ndërtimin e impiantit dhe shpronësimin e tokës ku do të ngrihet objekti

Kushti
39 për qind e kapacitetit përpunues, të shërbejë për përpunimin e plehrave të importuara nga Italia.

29/05/2004    Shekulli

Ligji “Për administrimin mjedisor të mbetjeve të ngurta”



Veprimet e ndaluara
Në territorin e Republikës së Shqipërisë janë të ndaluara:
a) braktisja, shkarkimi, hedhja në tokë ose në ujërat sipërfaqësore e mbetjeve që çojnë në degradimin e vetive të tokës ose të ujërave sipërfaqësore dhe shkaktojnë rrezik ose dëm për shëndetin dhe mjedisin;
b) përpunimi dhe asgjësimi i mbetjeve jashtë zonave të përcaktuara nga organet e qeverisjes vendore;
c) importimi i mbetjeve dhe i hedhurinave, që rezultojnë nga trajtimi i tyre, me qëllim ruajtjeje, depozitimi ose asgjësimi;
ç) grumbullimi, transportimi, ruajtja, riciklimi, përpunimi dhe asgjësimi i mbetjeve nga personat fizikë e juridikë, të palicencuar për kryerjen e këtyre veprimtarive;
d) përpunimi, depozitimi dhe asgjësimi i mbetjeve me teknika dhe teknologji të papërshtatshme dhe të pamiratuara nga Ministri i Mjedisit dhe ministrat përkatës;
dh) djegia në natyrë, përfshirë edhe vetëdjegien e mbetjeve dhe të hedhurinave që rezultojnë nga trajtimi i tyre.

Neni 2 i marrëveshjes mes MRRTT-së, MM-së, MPVD-së dhe “Albaniabeg ambjent”
Kjo marrëveshje koncesioni ka si objekt realizimin e një impianti në komunën e Kasharit, i cili do të përdoret për venddepozitimin, përpunimin, riciklimin, asgjësimin dhe prodhimin e energjisë elektrike nga mbeturina urbane për zonën e qarqeve Tiranë-Durrës, të pjesëve të thata të mbeturinave dhe të pjesëve të djegshme me prejardhje nga mbeturina të parrezikshme në përputhje me këtë kontratë pas afatit të ndërtimit dhe kolaudimit të impiantit.

Neni 9 i marrëveshjes

Qeveria në bazë të kësaj marrëveshjeje lëshon autorizimin për importimin e mbetjeve të ngurta urbane të parrezikshme për përdorim, përpunimin dhe riciklimin konform vendimeve të qeverisë së datës 31.01.1994 “Për mbetjet e parrezikshme dhe mbeturinat” dhe nr 806 datë 4.12.2003 “Për miratimin e rregullave e të procedurave për importimin e mbeturinave për përdorim, përpunim dhe riciklim” dhe në përprputhje me konventën e Bazelit.

29/05/2004   Shekulli

Përplasje juridike mes ligjit të 2003-it dhe marrëveshjes për importin e hedhurinave

Ligji, ndalohet importi i mbeturinave

Marrëveshja: Qeveria lëshon autorizimin për importimin e mbetjeve urbane të parrezikshme



TIRANE- Importimi i mbetjeve urbane që parashikohet të bëhet nga Italia përveç se një bombë ekologjike në përmasa të pallogaritshme, shoqërohet në projektmarrëveshjen e qeverisë me firmën italiane “Albanibeg Ambjent” edhe me disa përplasje juridike, të cilat kanë sjellë skepticizëm mes radhëve të negociatorëve të palës shqiptare. Kështu sipas ligjit “Për administrimin mjedisor të mbetjeve të ngurta” ndalohet importimi i mbetjeve dhe i hedhurinave, që rezultojnë nga trajtimi i tyre, me qëllim ruajtjeje, depozitimi ose asgjësimi. Në mënyrë fare të qartë, ligji ndalon importin e mbetjeve dhe hedhurinave në territorin shqiptar për qëllim depozitimi dhe asgjësimi. Ndërkaq në nenin dy të projektmarrëveshjes që ende nuk po negociohet thuhet “Kjo marrëveshje koncesioni ka si objekt, realizimin e një impianti në komunën e Kasharit, i cili do të përdoret për venddepozitimin, përpunimin, riciklimin, asgjesimin dhe prodhimin e energjisë elektrike nga mbeturina urbane për zonën e qarqeve Tiranë-Durrës, të pjesëve të thata të mbeturinave dhe të pjesëve të djegshme me prejardhje nga mbeturina të parrezikshme në përputhje me këtë kontratë pas afatit të ndërtimit dhe kolaudimit të impiantit”. Pra firma italiane koncesionare që do të ndërtojë impiantin e mbetjeve të ngurta, do të depozitojë, asgjësojë, përpunojë, e riciklojë këto mbetje. Përplasja mes ligjit shqiptar të miratuar nga Kuvendi në 2003 dhe marrëveshjes me italianët është e dukshme.
Akrobacia
Por për të “kapërcyer” këtë pengesë qeveria në nenin 9 të projektmarrëveshjes justifikohet se lejon importin e mbetjeve nga firma italiane deri në 39% të kapaciteteve përpunues të impianit në bazë të një vendimi të qeverisë të datës 4.12.2003. Në marrëveshjen në fjalë ajo shprehet “Qeveria në bazë të kësaj marrëveshjeje lëshon autorizimin për importimin e mbetjeve të ngurta urbane të parrezikshme për përdorim, përpunimin dhe riciklimin konform vendimeve të qeverisë së datës 31.01.1994 “Për mbetjet e parrezikshme dhe mbeturinat” dhe nr 806 datë 4.12.2003 “Për miratimin e rregullave e të procedurave për importimin e mbeturinave për përdorimi, përpunim dhe riciklim” dhe në përputhje me konventën e Bazelit”. Në këtë nen nuk përfshihen as depozitimi, as ruajtja dhe as asgjësimi që në nenin 2 janë të pranishëm. Përplasja mes marrëveshjes dhe ligjit “Për administrimin mjedisor të mbetjeve të ngurta” ka bërë që edhe mes ministrave të qeverisë shqiptare të ketë kontradikta. Kështu ministri i Drejtësisë Xhafa sipas burimeve zyrtare ka kërkuar që marrëveshja të kalojë në Kuvend, pasi nëse ajo miratohet vetëm në qeveri mund të sjellë probleme.

30/05/2004   SHEKULLI

Importi i plehrave, projekt mafioz

“Nuk bëhet fjalë për mbeturina të zakonshme, por për mbetje radioaktive

A. Rama 

TIRANE - Plaku i urtë dhe shkrimtari Sabri Godo e konsideroi mafioze dhe të rrezikshme marrëveshjen koncesionare që qeveria shqiptare po negocion me një firmë italiane, e cila lejon importimin e mbetjeve të ngurta nga Italia. Pas publikimit të projektmarrëveshjes dje në gazetën “Shekulli”, Godo tha se e gjithë kjo çështje ka një qëllim të fshehtë dhe duket tipike mafioze. Ai konfirmoi se ky projekt ishte i vjetër dhe i kishte rrënjët e thella që në vitet 1992-1993, në një kërkesë të ardhur në atë kohë nga një trust italian. “Kjo çështje i ka rrënjët e thella që në fillim të viteve ‘90 . Është një lloj trusti italian që kërkoi në atë kohë ndërtimin e një impianti për përpunimin e plehrave, por kjo kërkesë u refuzua në mënyrë kategorike. Unë lexova materialin në gazetën tuaj dhe për mua këtu ka diçka mafioze. Marrëveshja ka një qëllim të fshehtë dhe nuk bëhet fjalë për përpunimin e mbeturinave të zakonshme nga Italia, por bëhet fjalë për përpunimin e mbetjeve radioaktive. Nuk ka aq budallenj që të bëjnë shpenzime kot dhe të sjellin mbeturina nga Italia për t’i përpunuar në Shqipëri”, - tha Godo duke akuzuar ashpër qeverinë shqiptare si përgjegjësen kryesore që kërkonte të zyrtarizonte këtë marrëveshje. Sipas tij ata që janë marrë me hartimin e kontratës me firmën italiane “Albaniabeg Ambient”, duhet të raportojnë urgjentisht në Parlament. Ai shtoi se këta njerëz po kërkojnë të helmojnë ajrin në Shqipëri, ajër që sipas tij edhe kështu në këtë gjendje, është i prishur. Godo u shpreh në mënyrë të prerë se ky impiant nuk duhet të ndërtohet, jo në atë zonë ku është planifikuar po as në ndonjë cep të humbur të vendit, sepse është e turpshme që në Shqipëri të mblidhen plehrat nga e gjithë Europa.

Projekti
Shqipëria shumë shpejt mund të kthehet në një kosh të madh të grumbullimit të plehrave nga e gjithë Europa. Kjo falë një projektvendimi të dyshimtë dhe të fshehtë, i cili është duke u negociuar mes qeverisë shqiptare dhe firmës italiane “Albaniabeg Ambient” për nënshkrimin e marrëveshjes koncesionare të formës BOO me qëllim ndërtimin e një impianti për përpunimin e mbetjeve të ngurta urbane të qarqeve e Tiranës dhe Durrësit në Kashar. Firma në fjalë kërkon që pas ndërtimit të impiantit, të realizojë përpunimin e të gjitha mbetjeve kundrejt kostos zero, por duke vendosur si kusht kryesor që 39 për qind e kapacitetit të saj, të shërbejë për përpunimin e plehrave të importuara nga Italia. Që në këtë pikë shkelet me të dyja këmbët ligji “Për administrimin mjedisor të mbetjeve të ngurta” në nenin 8 të të cilit përcaktohet në mënyrë të qartë se “ndalohet importimi i mbetjeve dhe i hedhurinave, që rezultojnë nga trajtimi i tyre, me qëllim ruajtjeje, depozitimi ose asgjësimi”. Por relacioni i projektvendimit sqaron se bazë për nënshkrimin e kontratës koncesionare, të shërbejnë VKM e 1994 “Për mbetjet e rrezikshme dhe mbeturinat” dhe një VKM i dhjetorit të kaluar “Për miratimin e rregullave e të procedurave për importimin e mbetjeve për prodhim, përpunim e riciklim”. Projektvendimi ka ngjallur edhe mjaft debate mes tre ministrive që po negociojnë me palën italiane, Ministrisë së Mjedisit, Ministrisë së Rregullimit të Territorit dhe Turizmit dhe Ministrisë së Pushtetit Vendor dhe Decentralizimit. Relacioni paraprak që tre ministritë kanë hartuar për t’ia përcjellë mbledhjes së qeverisë, ku do të shqyrtohet projektvendimi, është firmosur vetëm nga ministri Bashkim Fino, ndërsa dy ministrat e tjerë Ben Blushi dhe Ethem Ruka nuk e kanë firmosur, duke shfaqur rezerva për përmbajtjen e marrëveshjes koncesionare të sipërpërmendur. Nga ana tjetër edhe ministri i Drejtësisë Fatmir Xhafa e ka kundërshtuar miratimin e kësaj marrëveshjeje në formën e një VKM-je. Qeveria i ka hapur rrugë nënshkrimit të kontratës koncesionare me firmën italiane, pas përzgjedhjes së saj nga Organi Shtetëror i Autorizuar, i cili ka përzgjedhur si ofertën më të mirë për ndërtimin e impiantit për përpunimin e mbetjeve urbane në Tiranë dhe Durrës. Ndërkaq nga përpunimi i të gjitha mbetjeve do të prodhohet energji që do të jetë e shfrytëzueshme.

31/05/2004  shekulli

Sipas relacionit të qeverisë shoqëria “Albaniabeg Ambjent” nuk kërkon asnjë shpërblim për 1 ton/mbetje

Nano, mashtrimi i radhës me plehrat

Marrëveshja: Detyrimi i konçesionarit nuk mund të kalojë 4,000,000 tonë mbetje të ngurta urbane.

Arion Sulo

TIRANE- Trajtimi i plehrave nga “Albaniabeg Ambjent” do t’u kushtojë shqiptarëve qindra miliona dollarë në vitet e ardhshme. Relacioni i qeverisë që shoqëron projekt-marrëveshjen thotë se firma italiane do të trajtojë me koston zero një ton mbeturina të zonës Durrës-Tiranë. Por kjo tingëllon si mashtrim kur vetë projekt-marrëveshja në nenin 13 të saj saktëson që “Detyrimi i konçesionarit nuk mund të kalojë 4 000 000 tonë mbetje të ngurta”. Qeveria ka pranuar kështu që konçesionari të asgjësojë vetëm këtë sasi mbeturinash, ndërsa për pjesën tjetër deri në mbarim të kontratës që zgjat 28 vjet duhet paguar, madje me çmimin që do të vendosë firma, pasi në dokument nuk përcaktohet asnjë çmim. Gjendja bëhet edhe më alarmante nëse mëson mbetjet e ngurta dhe urbane për zonën Tiranë, Durrës, Kavajë në total për 30 vitet e ardhshme sipas studimeve prestigjoze, llogariten të jenë 27,5 milionë tonë. Qeveria është në prag të miratimit të vendimit që e detyron “Albaniabeg Ambjent” të asgjësojë falas vetëm 4 milionë tonë plehra shqiptare, ndërsa për diferencën prej 24,5 milionë tonë mbetjesh, qeveritë e mëpasme do të jenë të detyruara të paguajnë. Por nuk mbaron me kaq. Çmimi nuk dihet. Për 28 vitet e ardhshme për të trajtuar 27,5 milionë tonë plehra, çmimin do ta vendosë vetëm firma “Albanibeg Ambjent”. Sepse projektmarrëveshja nuk parashikon fare çmim. Specialistët e fushës thanë dje se kjo është skandaloze, nëse merr viston në Këshillin e Ministrave, pasi ka shumë rrezik që konçesionari, duke pasur të drejtën e monopolit, në rastin më të mirë, të vendosë një çmim të lartë, ose, në rastin më të keq, të mos pranojë fare të asgjësojë plehrat shqiptare, nese ka kaluar kufiri i 4 milionë tonëve.

Sa kushton marrëveshja

Nga përllogaritjet e bëra duket se qeveria “ka harruar” të thotë se 23,5 milionë tonë plehra në 30 vitet e ardhshme (koha e konçesionit është 28 vjet) do të asgjësohen me para. Duke marrë 30 dollarë si mesataren e çmimit të tregut për trajtimin e një ton mbetjeje, del se shuma që duhet paguar nga buxheti i shtetit shqiptar për 25 vitet në vijim është 705 milionë dollarë. Në këtë kalkulim është marrë çmimi mesatar i tregut por projekt-marrëveshja nuk saktëson asgjëkundi se sa do të jetë çmimi i trajtimit të një ton mbetjeje shqiptare, pasi të plotësohet 4 milion tonëshi që konçesionari ka si detyrim të trajtojë.

Plehrat shqiptare dhe të huaja

Surprizat nuk mbarojnë këtu. Sipas vetë draftit, dhe saktësisht nenit 11, firma konçesionare do të importojë mbeturina deri në 1400 tonë në ditë për 340 ditë në vit për të paktën 25 vjet nga mbarimi i ndërtimit të impjantit. Pra me një kalkulim të thjeshtë, konçesionari do të sjellë në Shqipëri pothuaj 12 milionë tonë plehra.

Tabela
‘Albaniabeg Ambjent’ do të asgjësojë vetëm 4 milionë tonë plehra shqiptare
Për 30 vjet, në total, Durrës, Tiranë, Kavajë, 27,5 milionë tonë plehra

Asgjësimi i 23,5 tonë plehrave do të paguhet. Çmimin e vendos vetë ‘Albaniabeg Ambjent’



Neni 13 i projekt-marrëveshjes

Konçesionari është i detyruar që të realizojë në fazën e parë të veprimtarisë së asgjësimit të mbeturinave urbane të qarqeve Tiranë, Durrës, me kosto zero për 10 vjet duke filluar nga data e kolaudimit të impjantit.
Detyrimi i konçesionarit nuk mund të kalojë 4,000,000 tonë mbetje të ngurta urbane.

Relacioni i qeverisë
Oferta e parashikuar nga shoqëria “Albaniabeg Ambjent” kundrejt të tjerave që kërkojnë nga 20 deri në 30 $ për trajtimin e një ton mbetjeje, nuk kërkon asnjë shpërblim për trajtimin e një ton mbetjeje. Shteti nuk do të përballojë asnjë pjesë të shpenzimeve për studim-projektimin, studimin e impjantit, shpronësimin e tokës ku do të ngrihet impjanti dhe administrimin për kohën e parashikuar në kontratë.

31/05/2004

Kreu i Komisionit të Shëndetësisë dhe Mjedisit, kundër marrëveshjes së qeverisë me italianët

PD: Plehrat, qeveria korrupsion konstitucional


N.Perndoj

TIRANE- Kryetari i Komisionit të Shëndetësisë dhe Mjedisit, Ferit Hoti, do t’i drejtohet organit të akuzës për marrëveshjen e mundshme mes qeverisë shqiptare dhe firmës italiane “Albaniabeg Ambient”, me qëllim përpunimin e mbetjeve të ngurta, ku parashihet që 39% e kapacitetit të impjantit, të punojë plehra të importuara nga vendet e Bashkimit Europian. Hoti deklaroi dje për “Shekulli”-n se ai do të ndjekë të gjitha rrugët e brendshme ligjore si dhe do të fillojë kontaktet me të huajt për të denoncuar marrëveshjen që, sipas tij, përfaqëson një korrupsion të pastër institucional. Hoti paraqiti edhe një shqetësim tjetër duke shtuar se me importimin e mbetjeve të ngurta, mund të ketë edhe mbetje radioaktive. “Qeveria është në pozicionet e një korrupsioni konstitucional, sepse ligjet e miratuara në Kuvend bien ndesh përmes një projektvendimi, i cili është komplet në kundërshtim me Kushtetutën”, tha Hoti. Kryetari i Komisionit të Shëndetësisë dhe Mjedisit njëkohësisht edhe deputet i Partisë Demokratike sqaroi se qeveria nuk mund të anashkalojë Kuvendin, pasi sipas tij, ky është një problem me interes publik. Ndërkohë qeveria shqiptare ka gati projekt-vendimin për të zyrtarizuar ndërtimin me konçesion të impiantit për përpunimin e mbetjeve urbane të Tiranës, Durrësit, por edhe të 39% mbeturinave që do të vijnë nga Italia. Deri në këtë moment, ky dokument është trajtuar në formën e një draft vendimi ndërkohë që një prej ministrave të qeverisë Nano, ai i Drejtësisë, Fatmir Xhafa ka kërkuar që marrëveshja të hartohet në formën e një projektligji, me qëllim që të shqyrtohet dhe miratohet në Kuvend, pasi sipas tij, në formën e një vendimi të Këshillit të Ministrave është shkelje ligjore. Në këtë pikë këmbëngulin edhe deputetët e opozitës përfshi këtu edhe kryetarin e Komisionit të Shëndetësisë dhe Mjedisit Ferid Hoti, i cili këmbëngul se çdo marrëveshje e tillë duhet të kalojë së pari nga organi legjislativ.

31/05/2004

KOSHI RADIOAKTIV

Ne vitet 80 te shekullit te kaluar nje numer vendesh afrikane u shnderruan ne kosha fizike te mbetjeve radioaktive te vendeve evropianoperendimore. Me kalimin e viteve ceshtja u ngrit nga shume organizata mjedisore dhe keto vende-kosha nisen te pakesohen. Pas dy dekadash, opinioni publik shqiptar po shikon me shqetesim se mund te perseritet e njejta histori me Shqiperine. Ne rast se mbetjet teknologjike italiane nuk permbajne elemente radioaktive, ia vlen te pergezohet qeveria shqiptare qe arriti te sjelle nje biznes disa milione dollaresh tek ne, ku mund te punesohen dhe me dhjetera vete. Mirepo pastrimi i mbeturinave te zakonshme jashte Italise duket i dyshimte. Zakonisht ky proces nuk kerkon shume krahe pune. Impiantet e pastrimit dhe likuidimit te mbeturinave ne vendin fqinj jane plotesisht automatike. Nderkohe qe interesi per te sjelle mbeturinat ne Shqiperi mund te ishte thjesht fuqi punetore me cmim te lire. Ndryshe nuk mund te justifikohen shpenzimet e transportit per mbeturinat qe zene vellim fizik te madh. Por kur mbeturinat permbajne lende radioaktive, atehere puna ndryshon. Shteti italian ka rregulla te rrepta dhe nuk lejon groposjen apo perpunimin e tyre ne token italiane. Keshtu qe firmat prodhuese italiane qe i kane nxjerre keto mbeturina kerkojne ndonje "kosh" nderkombetar. Po te jete ky "biznesi"me italianet per pastrimin e mbeturinave ne Kashar, atehere shoqeria jone civile duhet te ngrihet e gjitha ne kembe ne mbrojtje te shendetit dhe te ardhmes se femijeve tane. Nuk eshte duke helmuar token tone qe mund te jetojme me mire. Qofte edhe po te fitojme si shtet disa dhjetera milione dollare. Ministria jone e Mjedisit duhet te kete kurajon qytetare te shprehet. Te pakten te thote qe mbeturinat qe do te perpunohen ne Kashar nuk kane permbajtje radiokative. Ne rast se e ka kete informacion. Por ajo hesht. Atehere zerin e mbytur te saj duhet ta ngrene mjedisoret e mbare tokes shqiptare. Si dhe shoqatat joqeveritare qe mbrojne interesa te ndryshme te shqiptareve. Nese OMGJ-te (soje, etj.) si ushqim per kafshet shqiptare gjenetikisht te modifikuar e pranuam (helbete, vinte nga Amerika), te pakten kete helm te ri (ne rast se vertetohet qe ka elemente radioaktive) ne forme plehrash t'ia largojme vetes. Boll kemi plehrat tona.

Fatos Cocoli

01/06/2004 shekulli

Shpëtim Arbana, këshilltar ekonomik i kryeministrit është përfaqësues me prokurë i “BegAlbania”

Njeriu i Nanos në importin e plehrave


TIRANE-Zbulohen lidhje direkte të kryeministrit me shoqërinë “Albaniabeg Ambjent” e cila është në prag të marrjes së një koncesioni 28 -vjeçar për ndërtimin e një impianti plehrash në Kashar të Tiranës, ku do të përpunohet edhe një sasi kolosale mbetjesh të ardhura nga Italia. Këshilltari ekonomik i kryeministrit, Shpëtim Arbana është përfaqësuesi shqiptar me prokurë i shoqërisë italiane “Beg Albania” e cila pas vitit 2000 ka ndërruar emrin në “Albanibeg Ambjent”. Konflikti i pastër i interesave është i vërtetuar nga dokumente që “Shekulli” ka arritur të sigurojë.
Dokumentet
Emri dhe firma e Shpëtim Arbanës, këshilltarit aktual të Nanos gjendet në kërkesën që ai ka bërë pranë Gjykatës së Rrethit Tiranë për regjistrim të firmës “Beg Albania” si person juridik dhe në vërtetimin e noteres ku Arbana ka noterizuar dokumentacionin para se të bënte kërkesën në gjykatë. Vendimi i gjykatës për regjistrimin e shoqërisë “Beg Albania” është marrë në datën 20.4 2000 dhe mban numrin 23646. Dy të dhënat e fundit janë identike me ato të projektmarrëveshjes që po negociohet mes qeverisë shqiptare dhe firmës italiane. Në të shkruhet se marrëveshja është ndërmjet qeverisë shqiptare dhe shoqërisë “Albanibeg Ambjent” e regjistruar me vendimin e gjykatës nr. 23646 datë 20.4.2000. Një fakt tjetër është edhe emri i administratorit të shoqërisë, e cila ka kërkuar të bëjë asgjesimin dhe riciklimin e plehrave të Tiranës dhe Durrësit. Në kërkesën që Shpëtim Arbana ka bërë pranë gjykatës së Tiranës thuhet se shoqëria administrohet nga një Këshill Administrativ i përbërë nga tre administratorë: Françesko Beketi, kryetari i këshillit administrativ, Liliana Kondimiti dhe Manilo Cerroni. Ndërkaq në projektmarrëveshjen qeveri-firmë italiane, saktësohet se pala e koncesionarit është e përfaqësuar nga administratori Françesko Beketi. Edhe pse emri i kompanisë italiane nga “Beg Albania” është bërë pas vitit 2000 në “Albanibeg Ambjent” numri i vendimit të gjykatës, data e regjistrimit dhe emri i administratorit janë të njëjtë. Deri tani qeveria nuk ka bërë transparente pothuaj asgjë për veprimtarinë e shoqërisë italiane që ka kërkuar të ndërtojë me koncesion impiantin e përpunimit të mbetjeve në Kashar të Tiranës. Në relacionin që shoqëron projektvendimin thuhet vetëm se ajo nuk kërkon pagesë për trajtimin e një ton mbetjeje, gjë që nuk është e vërtetë, pasi në të do të trajtohen vetëm 4 milionë ton plehra të Tiranës dhe Durrësit. Pas hapjes së debatit për kushtet diskriminuese të marrëveshjes, disa zëra nga qeveria thanë dje se ajo nuk mund të kalojë kështu siç është hartuar. Por fakti që këshilltari aktual i Nanos është përfaqësues me prokurë i firmës italiane shton dyshimet se gjërat mund të jenë vendosur që më parë.
Shoqëria “Beg Albania” me përfaqësues me prokurë këshilltarin aktual ekonomik të kryeministrit ka ushtruar më parë veprimtarinë si shoqëri koncesionare për financimin, ndërtimin dhe administrimin e impiantit hidroelektrik të Kalivaçit.
 

1/06/2004 Shekulli

2/06/2004  Shekulli

Përfaqësuesit e shoqërisë civile i bënë dje thirrje kryeministrit që të hedhë poshtë marrëveshjen

Plehrat, protestë masive qytetare kundër qeverisë


TIRANË – Protestë masive e qytetarëve për të detyruar qeverinë që të mos miratojë vendimin që lejon importin e plehrave nga Italia. Kështu është vendosur dje në një tryezë të rrumbullakët të organizuar nga Këshilli Rinor Shqiptar. Tryeza kishte si qëllim koordinimin e aksionit të përbashkët të shoqërisë civile dhe gjithë qytetarëve shqiptarë të interesuar me synim ndalimin e menjëhershëm të importeve të mbetjeve të huaja urbane në Shqipëri. Të gjithë të pranishmit kanë vendosur që të martën të organizojnë një protestë masive, ku do të jenë të ftuar të gjithë qytetarët, për të detyruar kështu qeverinë të mos firmosë marrëveshjen me shoqërinë italiane “Albanibeg Ambinet” e cila do të ndërtojë një impiant për trajtimin e mbetjeve.

Takimi
Burime brenda takimit kanë bërë të ditur dy linja mendimi. Drejtori i Fondacionit për Shoqërinë e Hapur Çapajev Gjokutaj është shprehur se duhet transparencë nga qeveria dhe ballafaqim, madje ai ka marrë përsipër edhe pagesën e sallës në hotel “Sheraton” për ditën e ballafaqimit me qeverinë. Ndërsa analisti Ardian Klosi është shprehur se duhen aksione konkrete për të ndaluar firmosjen e marrëveshjes. Ai ka vlerësuar se transparenca është një nga detyrat kryesore të qeverisë dhe ajo nuk e ka bërë. Ai ka marrë përsipër të grumbullojë personalitete të shoqërisë civile. Lëvizja “Mjaft” mori përsipër të bëjë lobing deputetësh, për të bërë një ligj, për të ndaluar absolutisht importin e mbeturinave nga jashtë. Kjo tryezë erdhi pas disa reagimeve të Këshillit Rinor Shqiptar, i cili kundërshtoi projektvendimin e qeverisë për miratimin e marrëveshjes koncesionare mes saj dhe shoqërisë “Albaniabeg Ambient” sh.p.k. Ata vlerësuan se kjo projektmarrëveshje, nëse firmoset e kthen Shqipërinë në një kosh plehrash të Evropës. Në këtë tryezë kanë qenë të pranishëm pjesëtarë të Fondacionit të Shoqërisë së Hapur Sorros, nga lëvizja “Mjaft”, përfaqësuesi i biznesit dhe njësisë koordinuese të protestës popullore Koço Kokëdhima i “2K Group”, Ardian Klosi, Klubi Studentor Ambientalist Shqiptar, etj. Sipas deklaratës së hartuar dhe të publikuar në fund të takimit, pjesëmarrësit evidentuan qartë dhe prerazi shqetësimin e jashtëzakonshëm të pjesëmarrësve mbi situatën e krijuar, e cila rrezikon një katastrofë të pakthyeshme ambientale. Pjesëmarrësit konfirmuan qëndrimin e përbashkët se sjellja e plehrave evropiane bllokon në mënyrë të pakthyeshme zhvillimin e vendit. Në fund tryeza vendosi, nisur nga përgjegjësia ligjore dhe kushtetuese e qeverisë për të bërë transparencën e projektit në fjalë, t’i kërkohet ballafaqim në nivel politik dhe teknik me përfaqësuesit dhe ekspertët e shoqërisë civile. Ballafaqimi do të organizohet nga Këshilli Rinor Shqiptar ditën e enjte, datë, 3 qershor në orën 11.0 në hotel “Sheraton”. Tryeza do të mbështesë nismën e lëvizjes “Mjaft”, për projektin e ligjit që do të ndalojë importin e çdo lloj mbetje në Shqipëri. Ata vendosën si hap të tretë organizimin e një proteste masive qytetare ditën e martë, vendi dhe ora e të cilës do të publikohen në vazhdim dhe së fundi ata do të ndërmarrin në vazhdimësi të gjitha hapat e tjerë legalë për të bllokuar çdo përpjekje për të kthyer Shqipërinë në një vend depozite të mbetjeve të vendeve të tjerë. Pjesëmarrësit u kanë bërë thirrje edhe ministrive të linjës, të ngarkuara me trajtimin e marrëveshjes koncesionare në fjalë dhe në mënyrë eksplicite, kryeministrit Fatos Nano të mos firmosin marrëveshjen, edhe më parë. Po kështu Këshilli Rinor Shqiptar ka denoncuar me forcë veprimet e krerëve të disa bashkive të vendit, të cilët pa marrë parasysh vullnetin e komunitetit të cilin përfaqësojnë, kanë dhënë tashmë pëlqimin e tyre që kjo aferë të fillojë.

Pjesëmarrës
Këshilli Rinor Shqiptar
Fondacioni i Shoqërisë së Hapur
REC
Lëvizja “Mjaft”
SEDA
Instituti i Politikave Sociale
Shoqata e Bujqësisë Organike
iSiS
QSKOM
CoPlan
Klubi Studentor Ambientalist Shqiptar
Përfaqësuesi i biznesit dhe njësisë koordinuese të protestës popullore “2K Group”
Ardian Klosi
Arben Loka

2/06/2004  gazeta 55

Plehërat përçajnë qeverinë, Gjinushi e Ruka kundër Nanos

Ministrat denoncojnë projektvendimin e Nanos, në të cilin, firmat e tyre janë falsifikuar. Ministri i Mjedisit Et'hem Ruka, deklarohet kundër mbeturinave radioaktive, ndërkohë që edhe PSD e PAA lajmërojnë bllokimin e marrëveshjes. Presioneve të forta të Fatosit, opozita u përgjigjet me një padi në prokurori për kryeministrin

Ashtu siç nuk pritet, janë plehërat, disa prej të cilave me mbetje radioaktive, ato që po përçajnë përfundimisht kabinetin qeveritar. Thuajse të gjithë aleatët e Fatos Nanos në qeverisje, janë shprehur hapur kundër marrëveshjes së kryeministrit me një kompani italiane, për ndërtimin e një impianti plehërash në Kashar, pa përjashtuar në të ardhmen e afërt, as përpunimin e mbetjeve radioaktive. Edhe pse në Shqipëri ekziston një ligj që ndalon importimin e mbeturinave radioaktive, një sërë ministrish janë investuar në hartimin e një projektligji, krejt në kundërshtim me legjislacionin shqiptar, por dje, në disa deklarata për mediat, ata e kanë bërë hasha firmën e tyre. Ministri i Mjedisit Et'hem Ruka, i ka bërë të qartë zyrtarisht kryeministrit Fatos Nano se, s'mund të firmoste për një marrëveshje të tillë, kaq të rrezikshme, ndërkohë që ka kërkuar shpjegime për hartimin e një projekti e siglimin e firmës së tij, kur ai në fakt, nuk kishte dijeni për këtë çeshtje. Edhe Lufter Xhuveli, ish-ministri i Mjedisit dhe aktualisht kryetar i Partisë Agrare Ambientaliste, partnere në koalicion, ka përsëritur vullnetin për të mos mbështetur një projekt të tillë "të ndotjes", ndërkohë që reagimi më i fortë ka qenë nga Skënder Gjinushi, për të cilin s'mund të vazhdohet më me një politikë të tillë vendimesh qeveritare, vetëm në zyrën e një njeriut e që s'i shërbejnë interesave të qytetarëve. Zbulimi i skenarit mafioz që shmangte konsulencën e ministrave deri në minutën e fundit, për t'i vënë ata para faktit të kryer në një mbledhje të fshehtë qeverie, ka skandalizuar anëtarët e komisionit parlamentar të Shëndetësisë dhe Mjedisit, që kanë lajmëruar nisjen e një procesi penal ndaj kryeministrit që po shkakton eksplozion në të gjithë vendin. Kabineti qeveritar ishte vlerësuar prej analistëve se ishte në prag të shpërbërjes, për shkak të konflikteve të rënda të interesit, por pak ishte menduar se një projekt plehërash do të shkaktonte përçarjen përfundimtare, jo vetëm të anëtarëve të kabinetit, por edhe pa asnjë shpresë për arritjen e një kompromisi të ri në radhët e koalicionit të shpërndarë të Fatos Nanos. Tashmë, ka dalë edhe mbi ujë praktika e kryeministrit për t'i bërë vetë projektvendimet antiligjore që gjenerojnë milionadollarë në llogaritë e tij bankare (klandestine) dhe duket se as një ndarje e fundit e pjesëve radioaktive të bakshishit nuk mbledhin dot më stanin e ministrave.

3/06/2004  gazeta Tema

Kryeministri i është përgjigjur dje denoncimit të medias dhe opozitës për impiantin e plehrave

Nano: Impianti i plehrave, i domosdoshëm

Vetëm disa ditë pasi në media ka shpërthyer skandali i një impianti në Kashar ku do të përpunohen plehrat e ardhura nga Italia, kryeministri Fatos Nano ka reaguar duke e cilësuar impiantin si një investim me mjaft vlerë. Ai ka lënë të kuptohet se impianti do të ndërtohet edhe pas kundërshtimeve nga media dhe opozita. Madje edhe pse projekti është mbajtur sekret për opinionin publik për një kohë kaq të gjatë, ai ka deklaruar se tashmë gjërat do të bëhen në mënyrë transparente. "Kryeministri Fatos Nano thirri në një takim të veçantë pune ministrat e Rregullimit të Territorit dhe Turizmit, B. Fino, atë të Mjedisit E. Ruka dhe të Pushtetit Vendor dhe Decentralizimit B. Blushi, si përfaqësues të Organit Shtetëror të Autorizuar për negociimin e kontratës së konçesionit për trajtimin e mbeturinave urbane të qarqeve Tiranë dhe Durrës," thuhet në një njoftimin për shtyp të kryeministrisë. Mësohet se gjatë këtij takimi është vendosur ngritja e një grupi pune të drejtuar nga Sekretari i Përgjithshëm i Këshillit të Ministrave si dhe nga ekspertë nga disa ministri, të cilët do të merren me përcaktimin e termave të referencës që do të negociohen nga Organi Shtetëror i Autorizuar dhe kompanitë e interesuara. "Në mbledhjet e Grupit të Punës u urdhërua të ftohen dhe të marrin pjesë edhe përfaqësues nga organet e Pushtetit Vendor, Shoqatat e Mbrojtjes së të drejtave të njeriut dhe të mbrojtjes së mjedisit. Kryeministri ritheksoi që në kuadrin e programit të saj, në procesin e reformave të zhvillimit të qëndrueshëm të vendit, qeveria do të mbështesë çdo iniciativë që e përshpejton këtë proces dhe do të mirëpresë çdo projekt modern të normativave të Europës së Bashkuar ku po integrohemi. Të angazhuar për zgjidhjen afatgjatë të problemeve të mjedisit dhe ruajtjen e shëndetit të qytetarëve, qeveria do të mbështesë iniciativat pozitive në këtë drejtim si dhe sjelljen e teknologjive bashkëkohore që do të respektojnë plotësisht standardet e Bashkimit Europian, konventat për mjedisin ku vendi ynë ka aderuar si dhe legjislacionin tonë," thuhet në njoftimin e kryeministrisë. Ndërkohë kryeministri Nano i ka cilësuar reagimet e medave, si reagime të personave që kanë konflikte interesi. "Nga ana tjetër ajo nuk do të lejojë për asnjë arsye që këto lloj investimesh të ndikojnë negativisht në dëmtimin e ambjentit dhe nuk do të ndikohet nga zhurmat që ngrihen nga aktorë të paragjykuar interesi që synojnë të helmojnë opinionin publik," përfundon njoftimi i kryeministrisë.



Impianti, PD: Është një bombë ekologjike

Nënkryetarja e Partisë Demokratike, Jozefina Topalli reagoi ditën e djeshme në lidhje me tentativat e qeverisë shqiptare për të ndërtuar një impiant për riciklimin e plehrave të importuara nga Italia. Sipas saj një marrëveshje e tillë përveç faktit se e kthen vendin në një kosh plehrash të Europës, bie në kundërshtim dhe me ligjet e miratuara nga parlamenti shqiptar. Në nenin 26 të ligjit 9010, ndalohet importimi i materialeve të ngurta si për depozitim ashtu dhe për asgjësim të plehrave të importuara. "Në rastin në fjalë historia e helmimit fillon me shkeljen e ligjit nr 9010 datë 13.02.2002 "Për administrimin mjedisor të mbetjeve të ngurta" dhe në nenin 26 të këtij ligji thuhet se: 'Në republikën e Shqipërisë ndalohet importimi i mbetjeve për ruajtje depozitim ose asgjësim'," u shpreh nënkryetarja demokrate. Sipas Topallit në këtë mënyrë, jo vetëm po shkelet një ligj që është miratuar nga parlamenti, por dhe mund t'i shkaktohet një dëm shumë i madh mjedisit të zonës ku do të vendoset impianti. Duke iu referuar këtyre problemeve, Topalli tha se toka ku është projektuar për t'u ndërtuar impianti, është një tokë e shkrifët, çka bën që në ujërat e nëntokës të depozitohen të gjithë helmet e lëshuara nga mbeturinat. Topalli tha se kjo do të vinte në rrezik jetën e mijëra qytetarëve të zonës në fjalë. "Duke mos pasur parasysh faktin se toka e zgjedhur për ndërtimin e këtij impianti nuk është e përshtatshme pasi sipas specialistëve "është tokë e shkrifët dhe depoziton në ujërat nëntokësore të gjitha helmet e lëshuara nga mbetjet e grumbulluara". Në këtë rast qeveria nuk do të pyesë as për faktin se kjo zonë ujëmbledhëse dhe nga ky ujë furnizohet Paskuqani disa zona të Tiranës dhe Durrësit, thënë thjesht, jeta e shumë banorëve e fëmijëve, vihet në rrezik," shtoi Topalli. Një marrëveshje e tillë sipas saj, duke iu referuar dhe specialistëve konsiderohet si një bombë biologjike për njerëzit, të cilët banojnë afër kësaj zone. Ndërsa marrja e një vendimi të tillë në mënyrë jotransparente, përbën shkelje flagrante të konventave ndërkombëtare për të drejtën e informimit të publikut dhe vendimmarrjes së tyre. Topalli tha se Partia Demokratike do të kërkojë që të jetë dhe pjesë e debateve parlamentare, për të bërë mundur sqarimin e kësaj çështjeje. "Për këtë çështje ne do të filojmë dhe diskutimin në parlament dhe fillimisht në komisionet parlamentare. Qeveria nuk mund të kalojë një ligj pa e sjellur atë në parlament," deklaroi Topalli. Duke i bërë thirrje qeverisë për të bërë një hap prapa përsa i përket kësaj çështjeje, Topalli ka shtuar se dhe firma e hedhur nga ministri Fino nuk përbën ndonjë çudi për Partinë Demokratike.
 

06/06/2004 shekulli

Studentët shqiptarë në Perëndim: “Plehrat, masa për ministrat që kanë dhënë pëlqimin”


TIRANE - Studentët shqiptarë jashtë vendit u bashkuan dje me faktorët politikë dhe shoqërinë civile duke i kërkuar qeverisë që të pezullojë çdo marrje vendimi mbi projektmarrëveshjen për përpunimin e plehrave në Kashar. Gjithashtu ata i kërkojnë ekzekutivit që të bëhet një analizë e hollësishme e pasojave të kësaj marrëveshjeje dhe marrëveshjeve të ngjashme mbi mjedisin, shëndetin e ekonominë si dhe të merren masa ndaj personave që kanë dhënë pëlqimin për këtë projekt pa marrë parasysh pasojat katastrofale dhe duke anashkaluar vullnetin e komunitetit që ata përfaqësojnë. Studentët njëherazi i bëjnë thirrje gjithë opinionit publik shqiptar të reagojë me të gjitha mjetet demokratike që ky projekt të mos aprovohet pa u diskutuar publikisht. Duke ngritur zërin për rrezikun e pallogaritshëm që vjen perj ngritjes së impiantit 6 shoqata në Austri, Bari, Zyrih, Grac, Hamburg e Mainz shprehen se “ Ne, si studentë, intelektualë e rinia shqiptare në Perëndim jemi shumë të shqetësuar nga zhvillimet mbi marrëveshjen e mundshme për impiantin e përpunimit të plehrave në Kashar. Opinioni publik shqiptar duhet të ndërgjegjësohet për ndotjen tejmase të ambientit në Shqipëri. Pikërisht tani pas statistikave tejet alarmante mbi ndotjen e ajrit të Tiranës e kur vetëm para një jave vetë ministri i Ambientit shkruante për katastrofën ambientale në Shqipëri, qeveria shqiptare nuk mund dhe nuk duhet të lejojë asnjë abuzim të mjedisit të çfarëdolloji qofshin ato. Ky projekt nuk është analizuar hapur nga ekzekutivi shqiptar dhe bile ka marrë edhe firmën e disa prej hallkave të tij pa iu paraqitur opinionit publik me transparencën e duhur e pa ndërgjegjësuar qytetarët që preken direkt. Kjo është shenjë e ripërsëritur e mosrespektimit të koncepteve minimale të demokracisë dhe e komës së thellë në të cilën gjendet qeveria shqiptare dhe e gjithë klasa politike në përgjithësi. Nga shkrimet e fundit në media të ndryshme mbi këtë çështje rezulton që 39% e totalit të plehrave do të vijnë nga Italia. Për ne është mjaft e qartë që kjo sasi plehrash do të përpunohet në Shqipëri vetëm për t’i shpëtuar taksave të rënda që ekzistojnë në Bashkimin Europian për dëmin ndaj ambientit e për t’ju shmangur standardeve të rrepta europiane të përpunimit të plehrave. Ky projekt nuk është kaluar nëpër hallkat e pushtetit lokal. Gjithashtu janë shkelur detyrimet që ka qeveria ndaj publikut për transparencë, informacion e mundësimin e pjesëmarrjes në vendimmarrje kur bëhet fjalë për çështje me ndikim ambiental”.


Për këto arsye ne i kërkojmë me forcë qeverisë shqiptare:

Të pezullohet fillimisht çdo marrje vendimi mbi projektmarrëveshjen e impiantit të plehrave!

Të bëhet një analizë e hollësishme e pasojave të kësaj marrëveshjeje dhe marrëveshjeve të ngjashme mbi mjedisin, shëndetin e ekonominë !

Të merren masa ndaj personave që kanë dhënë pëlqimin për këtë projekt pa marrë parasysh pasojat katastrofale dhe duke anashkaluar vullnetin e komunitetit që ata përfaqësojnë!


Njëherazi ne i bëjmë thirrje gjithë opinionit publik shqiptar të reagojë me të gjitha mjetet demokratike që ky projekt të mos aprovohet pa u diskutuar publikisht.

6/06/2004  kohajone

KOKEDHIMA: TE SHPORREN NANO-FINO

Pronari i "2 K" dhe botues i gazetes "Shekulli", ne nje interviste televizive ne Neser TV, reagon per sjelljen e impiantit ne Shqiperi

Ekzistojne vetem dy persona qe kane implikuar ceshtje dikasteri apo institucione te tjera. Keta jane kryeministri dhe Ministri i Turizmit. Te dy kane imponuar nje situate te tille dhe eshte e tmerrshme kur qeveria shperfill hapur ligjin. Kjo rrezikon te pjelle kaos dhe anarki sepse kur ti dhe une lexojme ligjin dhe ne te dy e njohim ligjin dhe ti thua nuk pyes per kete ligj sepse jam kryeminister, kam mundesi te firmos, kam nje karrige dhe kam nje pushtet qe e kam marre si e kam marre, e perdor si te me doje qejfi, ne kete moment ti i ke hapur rruge shperthimit dhe urrejtjes se njerezve te prekur, shperthimit te nje shoqerie qe kur nuk gjen respekt tek ligji nga ana e atyre qe jane mandatuar per ta patur ligjin fuqi supreme, atehere keta njerez e percjellin ligjin me indiferentizem.

-Cilat jane argumentet tuaja kunder projektmarreveshjes se qeverise me "Albanibeg Ambient" e cila parashikon perpunimin e plehrave nga Italia ne Shqiperi?

-Ajo eshte nje perpjekje teresisht e kontestuar dhe e kam shume te veshtire ta permbledh me pak fjale ne nje set argumentesh qe do te ishin te mjaftueshme per te argumentuar. Gjithcka eshte ne dem te shqiptareve dhe gjithcka eshte ne dem te qeverise ne kete tentative per marreveshjen me kompanine qe ju permendet me lart. Shqiptaret jane te rrezikuar jo sepse ata nuk kuptojne se cfare behet dhe cfare synohet te behet ne kete rast, por ata jane te rrezikuar per faktin se propozimin e nje kompanie te huaj e kane marre si nje qellim per ta zhvilluar kryeministri i Shqiperise, Ministri i Turizmit dhe kjo e rrit shume rrezikun e ketij projekt-programi dhe e shnderron kete nga nje propozim si shume propozime te tjera qe vijne nga bota e mafias ne nje mundesi reale qe ajo te behet shkaterruese e se ardhmes se shendetit dhe e potencialeve tona te zhvillimit. Kjo marreveshje nuk ka shtruar per zgjidhje problemin e plehrave te Shqiperise, dhe kjo eshte gjeja e pare qe nuk duhet te shkase nga vemendja e asnje qytetari shqiptar. Cili eshte problemi qe eshte shtruar per zgjidhje? Kjo gje duhet kuptuar nga te gjithe. Eshte shtruar per zgjidhje nevoja e djegies dhe groposjes se 1400 toneve ne dite mbetjesh qe Italia i coka sipas kompanise ne fjale me kosto te larte ne Gjermani dhe duhet t'i sjelle ketu se nuk paska impiante ne Itali. Cili eshte problemi qe eshte shtruar per t'u zgjidhur nga qeveria shqiptare ose me sakte nga kryeministri dhe Ministri i Turizmit, eshte shtruar problemi qe keto mbeturina Italia nuk ka ku t'i coje ose i duhen shume para per t'i cuar ne Gjermani dhe per kete shkak duhet t'i sjelle ne Shqiperi apo eshte shtruar problemi qe te zgjidhen mbetjet shqiptare? Pra perzierja e ketyre dy problemeve eshte nje strategji e qellimte. Perzierja e problemit te perpunimit te mbetjeve me origjine nga Komuniteti Europian ne Shqiperi eshte nje strategji per te kamufluar te verteten. Ne nuk jemi ne kushtet kur duhet te zgjidhim ceshtjen e mbetjeve shqiptare. Ne jemi ne kushtet kur duam te bejme biznes me shqiptaret, me vendin tone, me te ardhmen tone. Pra keta njerez duan te shesin te ardhmen tone. Kjo eshte ceshtja. Po te shtrohet problemi i mbetjeve shqiptare, une jam krejtesisht i gatshem te pranoj te diskutojme hapur cdo propozim qe vjen nga kushdo kompani serioze e vendit ose e huaj per te gjetur nje zgjidhje sa me te mire dhe sa me te leverdisshme per perpunimin e mbetjeve urbane. Ne duhet te biem qe te gjithe dakord se perzierja, kamuflimi, shtrimi i ceshtjes se zgjidhjes se plehrave shqiptare ne nje perzierje me plehra te huaja eshte thjesht nje strategji per te na shitur sapunin per djathe. Eshte nje strategji qe ne te tradhtojme interesat tona dhe t'i hapim rruge nje biznesi kriminal ne trupin e shqiptareve.

-Pra ju mendoni se problemi nuk qendron tek impianti, por tek formulimi i marreveshjes?

-Problemi qendron tek shtrimi i ceshtjes. Kjo marreveshje nuk synon te zgjidhe aspak ceshtjen e mbetjeve urbane. Jemi ne kushtet kur nevoja e mbetjeve urbane shqiptare eshte nje koperture, eshte nje element fasade qe kerkon te na shese kete marreveshje per te na importuar mbetje te rrezikshme, gjysme te rrezikshme nga vende te tjera te cilat perbejne nje biznes kolosal sot.

-Cilat jane detajet kryesore te marreveshjes?

-Ajo marreveshje eshte poshteruese ne te gjitha pikepamjet, e cila realizohet ne nje rruge te eret, te paligjshme, me nje emergjence te jashtezakonshme. Cdo njeri duhet te beje pyetjen si eshte e mundur qe nje vendim behet ne 16 prill te ketij viti, botohet ne fletoren zyrtare me 30 prill, hyn ne fuqi dy jave me vone me 15 maj, mbarojne te gjitha negociatat, diskutimet, propozimet, diskutimi ne komunitetin lokal, miratimi ne keshillat e bashkise, te qarqeve, komunave etj.,etj., dhe behet dhe kontrata me qeverine. Kush mund ta beje nje gje te tille? Ky eshte nje veprim i paster qe nuk ka te beje me ligjin fare. Ky eshte nje komplot ne kurriz te vendit tone, i pergatitur, i gatuar dhe i paraqitur si emergjence duke shperfillur te gjithe procedurat e ligjit vetem per ta kaluar kete gje. Pra procedura flet vete per cdo gje dhe qe synon qe ne kundershtim me cdo nevoje te Shqiperise te perligje sjelljen ne Shqiperi te mbetjeve urbane nga vendet e tjera. Te thena mbetje urbane, sepse jane mbetje te rrezikshme dhe kete gje ne e kemi provuar dhe jemi ne gjendje ta provojme ne cdo rrethane. Se treti, jepet nje koncension ne kushte poshteruese per mbetjet urbane shqiptare, propagandohet se gjoja ata do na e bejne pa leke, gje qe nuk eshte e vertete. Ajo marreveshje eshte e njeanshme ne te gjitha pikepamjet. Ne thelb eshte nje marreveshje antishqiptare. Asnje armik i Shqiperise nuk do te mund te shkruaje me mire nje marreveshje se ajo qe ka shkruar. Asnje diktature nuk do te mund te implementonte me mire dhe ne menyre me te poshter marreveshjen qe i kane cuar per miratim ne Shqiperi. Une jam shume krenar dhe i ndergjegjshem pavaresisht nga presionet qe me bejne ca capacule se kemi kryer nje veper te madhe ne favor te popullit dhe atdheut dhe e beme kete sherbm me gjithe gazetaret tane, me gjithe stafet tona. Kemi denoncuar ne momentin final operacionin ne pushtim te Shqiperise nga pislleqet e vendeve te tjera qe do ta shkaterronte perfundimisht shendetin dhe te ardhmen e vendit tone.

-Qeveria ka perdorur argumentet e saj, si i vleresoni ato?

-Ekzistojne vetem dy persona qe kane implikuar ceshtje dikasteri apo institucione te tjera. Keta jane kryeministri dhe Ministri i Turizmit. Te dy kane imponuar nje situate te tille dhe eshte e tmerrshme kur qeveria shperfill hapur ligjin. Ligji eshte i shkruar dhe shkelet me nje arrogance dhe papergjegjshmeri krejtesisht te vecante si kjo qe paraqitet. Cfare mund te bejme thoni ju? Natyrisht qe kjo nuk duhet te beje qe te realizohen qellimet e tyre. Por kjo rrezikon te pjelle kaos dhe anarki sepse kur ti dhe une lexojme ligjin dhe ne te dy e njohim ligjin dhe ti thua nuk pyes per kete ligj sepse jam kryeminister, kam mundesi te firmos, kam nje karrige dhe kam nje pushtet qe e kam marre si e kam marre, e perdor si te me doje qejfi, ne kete moment ti i ke hapur rruge shperthimit dhe urrejtjes se njerezve te prekur, shperthimit te nje shoqerie qe kur nuk gjen respekt tek ligji nga ana e atyre qe jane mandatuar per ta patur ligjin fuqi supreme, atehere keta njerez e percjellin ligjin me indiferentizem.

-Ka patur nje reagim shume te forte nga ana e shoqerise civile dhe organizatave te posacme?

-Problemi qe diskutohet eshte i nje ndjeshmerie shume te larte sepse ka midis shqiptareve shume njerez te painformuar, por shqiptaret pergjithesisht jane nje popull shume i informuar. Ata jetojne ne shume vende te zhvilluara dhe nje pjese e mire e tyre jane ata qe kontribuojne ne Shqiperi me mundin dhe djersen e tyre duke ndihmuar kete pjese qe jeton ketu dhe jane pikerisht keta qe e kuptojne shume mire ceshtjen. Edhe komiteti lokal ketu ka mjaft informacione per ngjarjet dramatike me ambjetin ne bote qe i kushtohen ruajtjes dhe zhvillimit te njerezve. Keshtu qe reagimi i qytetareve ka qene i pashembullt edhe pse ky reagim ka ndeshur ne nje veprim primitiv, barbar, nje veprim kriminal te bere nga njerezit e veshur me pushtet, te cilet jo vetem nuk jane te kenaqur me shkeljen e procedurave te ligjit, por kane ndikuar edhe shume instrumente te informimit publik qe te rrine jashte ketij problemi, qe te dezinformojne ose qe te bejne nje veper qe ne historine e Shqiperise do te konsiderohet veper turpi. Te dalin e te bejne marketing, reklama, t'u thone shqiptareve pranoni plehrat e Europes se Italise i kushtojne shtrenjte e t'ua sjellim bashke me nje impiant se Italia nuk ka dhe kjo eshte nje gje me te vertete e trishtueshme. Por keto sigurisht nuk ua marrin mendjen qytetareve shqiptare. Ne do te kemi kohe mjaft, edhe nese s'kemi do ta fitojme kohen. Do t'u tregojme me cdo cmim qytetareve tane kostot e kesaj historie dhe me mbeshtetjen e gjithe atyre djemve dhe vajzave, mijera burrave e grave shqiptare qe e duan token e tyre, qe duan shtepine, qe duan femijet, qe duan qytetaret e tyre, njerezit e tyre, bashkeatdhetaret e tyre, do ta bejme kete projekt cope e therrime. Asnje mbetje, asnje lloj plehre nuk do te hyje ne Shqiperi. Procesi i sqarimit eshte nje proces shume i shpejte. Ne do te organizojme shume protesta popullore dhe do te veme ne dispozicion te saj gjithcka kemi.

-A ka mundesi per ndonje rrugezgjidhe qe ne te mos demtohemi nga marreveshja?

-Ky eshte nje debat, nje diskutim i hapur qe evidenton mundesite dhe propozimet qofshin keto shqiptare apo te huaja. Dy jane parametrat per kete ceshtje. Se pari, problemet duhet te jene me impakt minimal me shendetin publik. Resurset tona jane te lidhura me zhvillimin e turizmit ne Shqiperi dhe me mbrojtjen e shendetit. Dhe se dyti, ne duhet te zgjedhim nje metode, nje projekt ose nje sistem projektesh qe jane me ekonomike per vendin. Keto dy parametra jane fusha kryesore e ballafaqimit te alternativave dhe debateve. Jam shume i sigurte se ne kemi te gjitha kapacitetet per ta zgjidhur kete ceshtje me mire se cdo shtet tjeter duke vene ne pune dhuratat e medha qe natyra i ka bere ketij vendi. Ne kemi mundesi te shkelqyera per te bere nje perpunim ekologjik te mbetjeve urbane dhe me kosto jashtezakonisht me te ulta se ne cdo vend tjeter te zhvilluar ne Europe dhe ne bote. Keshtu qe po qe se qeveria ka vullnet pozitiv dhe ai do prodhohet nga presioni i popullit, sepse kjo qeveri e ka deshmuar mire tashme se cfare vullneti ka, por eshte presioni i popullit qe do te beje te prodhohen vullnete pozitive me apo pa dashjen e nje institucioni ne qeveri dhe te shtrohet problemi si te zgjidhet me mire ceshtja e mbetjeve urbane ne Shqiperi.

-A mendoni se ka shanse te zbatohet marreveshja?

-Kjo projektmarreveshje nuk do te mund te ndertohet. Mund te beje marreveshje kryeministri apo ministri i Turizmit per shtepine e tyre, por ne nuk do t'i lejojme te bejne marreveshje poshteruese ne kurriz te qytetareve shqiptare. Une deshiroj te ftoj te gjithe njerezit qe bashkarisht te shprehim vendosmerine tone diten e marte ne demonstrimet popullore qe ka ftuar shoqeria civile e Shqiperise kunder ketij akti kriminal. Ne jo vetem qe nuk do e lejojme zbatimin e ketij projekti-krim, por jam i sigurte se ne do ta udheheqim opinionin publik ne nje menyre te tille qe te nxjerrim dhe vendosim para pergjegjesise ata qe tentuan ta bejne kete gje. Autoret e kesaj marreveshjeje do te japin llogari per shperdorimin e detyres dhe natyrisht kane konsumuar plotesisht nje veper qe do ta kishin zili armiqte e vendit.

 

E Diele, 06 Qershor 2004  kohajone



NUK DO TE LEJOJME KTHIMIN E SHQIPERISE NE NJE KOSH PLEHRASH

Flet per "Koha Jone", drejtori i Levizjes "Mjaft" z.Erjon Veliaj

Intervistoi: Esmeralda Gjoka

- Sa shqetesues eshte per ju fakti qe ndodheni nen procedim penal dhe a ju ben kjo te jeni disi me te matur ne oponencen ndaj qeverise?

- E kemi thene edhe here te tjera qe ceshtjen e procedimit penal e shohim si nje ceshtje kryekeput qesharake. Nuk e kemi komentuar, pikerisht sepse nuk e shohim qe perben ndonje prioritet ne axhenden e qytetareve te Shqiperise. Nese do te flisnim per korrupsionin ne arsim, aty do te kishim shume gjera te tjera per te thene. Nese do te flisnim per ceshtjen e ndryshimit te protokollit, eshte vertet dicka qe ia vlen per t'u debatuar. Nese do te flisnim per raportet negative te BE-se dhe vleresimin negativ qe ka marre qeveria jone, edhe kjo eshte dicka per te cilen ia vlen te japesh nje mendim. Por te komentosh nje procedim qesharak feminor, per faktin se si nje grup qytetaresh vuri ne loje nje shkelje te ligjit, per mendimin tim, kjo eshte humbje kohe dhe nuk besoj se u intereson as lexuesve tuaj. Pergjigjja jone ka qene gjithnje nje pergjigje groteske dhe ironike. Per faktin se kemi pare qe kjo eshte e vetmja menyre qe i ben te reagojne qeveritaret tane. Faktet dhe mendimet e sofistikuara intelektuale nuk i sfidojne mjaftueshem per t'u ballafaquar me publikun. Kemi pare qe jane gjetje te tilla, ato te cilat i ngacmojne qeveritaret me shume se cdo gje tjeter. Prandaj ne do te vazhdojme ne te njejten menyre komunikimin me ta. Procedimi penal, jo vetem qe nuk na tremb, por perkundrazi, na inkurajon ne veprimtarine tone, pasi deshmon se nje oponence e tille po funksionon. Per vite te tera, opozita eshte munduar me debate te thella ne parlament dhe protesta te pafund per te marre nje pergjigje nga qeveria lidhur me keto probleme, por nuk ka pasur asnje rezultat.

- Diten e marte, ju do te protestoni kunder nenshkrimit te marreveshjes per ndertimin ne Kashar te impiantit per perpunimin e mbetjeve te ngurta urbane. Shpresoni vertete ne anullimin e projektvendimit nga ana e qeverise?

- Problemi duhet pare qarte dhe nuk ka te beje me kompanine ne fjale. Cilado qofte kompania, cilido qofte fituesi ne tender qe do te perpunoje plehrat ne Shqiperi, jane elemente qe pak na interesojne. Ajo qe na intereson eshte shkelja e ligjit. Sidomos ligji i importit te mbeturinave shkelet me te dyja kembet. Shqiperia nuk i ka kapacitetet e duhura per te kontrolluar. Une nuk e kuptoj se si doganat shqiptare, te cilat nuk mund te kontrollojne sasite e trafikut te droges, apo te trafikut te njerezve, do te arrijne te kontrollojne 1400 ton plehra ne dite dhe nuk e di se ku do t'i gjejne keta doganiere qe do te kene aftesite per te pare se cfare malli hyn ne Shqiperi me 70 trailare shtese ne dite me plehra.Per t'ia bere me te thjeshte publikut, 1400 ton plehra ne dite, i bie rreth 70 kamione me dy rimorkio. Duke pare se keto kapacitete mungojne, nuk do te donim te shnderroheshim ne nje kosh plehrash per Europen. Protesta e se martes besoj se eshte proteste e dyfishte. Pervec plehrave fizike, qe do te importoheshin nga Italia, nenrreshti i kesaj proteste apo i sloganit "Shqiperia nuk eshte nje kosh plehrash" vlen edhe per nje klase te deshtuar politike shqiptare. Kemi nevoje per te ricikluar shume figura politike ne Shqiperi krahas plehrave nderkombetare. E theksoj edhe nje here, nuk eshte nje problem me kompanine ne fjale, sa c'eshte nje problem me qeverine shqiptare qe ben afera te tilla ne kurriz te shkeljes se ligjit. Edhe fakti qe kjo perseritet per te disaten here, na inkurajon gjithnje e me shume per te thene: "Mjaft, keshtu nuk mund te vazhdohet". Ligji eshte i njejte per te gjithe. Nuk mundet qe per disa pale te jete me favorizues se sa per te tjeret.

- Cili eshte komenti juaj lidhur me mosverifikimin deri tani te deklaratave te pasurive te zyrtareve te larte, nderkohe qe ne media jane hedhur dyshime per vertetesine e nje pjese te tyre?

- Edhe ketu, shume njerez mendojne se ceshtja eshte personale me kryeministrin. Fatkeqesisht, pervecse eshte Fatos Nano, kryeministri i vendit eshte ne fund te fundit lideri numer nje i politikes shqiptare dhe si i tille sherben si model per pjesen tjeter te politikes. Ajo qe kemi thene shpesh qe nga krijimi i levizjes e deri me sot, eshte qe ne Shqiperi mungojne modelet e lidershipit, te udheheqjes me etike dhe ne standardet minimale te integritetit. Jemi fokusuar tek deklarimi i pasurise se kryeministrit, sepse ai ka qene nje model negativ i te gjithe politikes shqiptare. Dua te permend ketu edhe nje artikull te "Financial Times", ku autorja ishte e habitur se si kryeministri nuk arrin dot te kuptoje gjerat me elementare te asaj qe perben konflikt interesash. Nese nje biznesmen, (qe nuk me intereson se kush eshte), ofron nje dhurate me vlere 10 here me te madhe se rroga per te cilen kontribuojne me taksat e tyre 3 milione shqiptare, kjo te ben te mendosh se prioritetet e kryeministrit per te sherbyer nuk jane per 3 milione qytetaret qe i ofrojne 1/10 e asaj makine, por jane per nje biznesmen X, i cili vetem me nje dhurate sfidon 10 fish shqiptaret per nga ana financiare. Ky ka qene problemi kryesor me ceshtjen e deklarimit te pasurive. Nese modeli kryesor i lidershipit shfaq te tilla anomali, c'mund te pritet nga "peshq me te vegjel te akuariumit te politikes sone". Sinqeriteti eshte i dores se dyte. Por edhe ne ato qe ai ka treguar, te alarmon fakti se si mund te jesh i verber dhe te deklarosh gjera qe vijne ne konflikt interesi. Pyetja qe lind automatikisht eshte: A do te ishte kryeministri neser i gatshem te jepte vendim per prishjen e nje ndertimi pa leje te ketij biznesmeni qe i ben dhurata te tilla? Do te ishte shume e veshtire per ta bere, per vete faktin se ke pranuar nje dhurate te tille. Mjafton te kuptojme se Presidenti i Amerikes ka nje limit deri ne 200 dollare te pranimit te dhuratave. Cdo gje mbi 200 dollare eshte prone automatike e Shtepise se Bardhe. Mendoj se ndoshta ka ardhur koha te kemi nje ligj qe kufizon dhuratat qe u behen pushtetareve.

- Presidenti Moisiu ka dhene alarmin per niveline larte te korrupsionit ne vendin tone, i cili, sipas tij, behet nga njerez me pushtet. Si do ta komentonit kete deklarate te ashper te presidentit?

- Besoj se ishte momenti qe presidenti Moisiu te prononcohej per nje gje te tille. Nga njera ane eshte inkurajuese, pasi do te thote qe ka ende njerez me pushtet si presidenti Moisiu qe kane kurajon dhe integritetin per te dale hapur dhe per te vene gishtin mbi nje plage te tille. Fatkeqesi eshte qe presidenti nuk ka shume pushtet ekzekutiv dhe kushtetuta nuk i lejon mjaftueshem ta ushtroje nje kontroll te tille. Keshtu qe une dyshoj qe Keshilli i Ministrave do ta pranojne keshillen dhe sfiden e presidentit. Prandaj them se e gjitha mbetet nje beteje morale, ku presidenti prazanton nje sfide dhe pret qe pushtetaret e larte t'i pergjigjen.

- Duke marre shkas nga proceset gjyqesore ndaj gazetareve dhe presionet qe po ushtrohen mbi mediat oponente me qeverisjen, a mendoni se liria e medias ne Shqiperi eshte e rrezikuar?

- Mund te them se duke qene se eshte pushteti i katert, media ka per detyre te informoje dhe te publikoje debatin dhe realitetin aktual. Ne nje fare menyre, ajo sherben si nje lloj pasqyre ndaj imazhit politik te kohes. Prandaj si pasqyre qe reflekton kete imazh, pasqyron ate qe ndodh. Nese ne vitin '97, gazeta juaj u dogj, kjo tregon qe imazhi qe pasqyronte gazeta juaj ishte imazhi i nje pushteti ne mentalitet te bere "shkrumb e hi", qe ishte pushteti i Berishes ne ate periudhe. Djegia e gazetes suaj pasqyronte kete realitet; shkrumbosjen nga brenda te nje klase te deshtuar politike ne '97. Ajo qe po ndodh tani me median eshte e njejta gje. Proceset gjyqesore ndaj medias, pasqyrojne sikletin ne te cilin ndodhet qeverisja aktuale. Ajo qe duhet te kuptoje qeveria, eshte qe kur ke probleme me imazhin, fajin nuk e ka pasqyra, fajin e ka fytyra. Pra qeveria duhet te permiresoje fytyren, imazhin e vet dhe jo te shtremberoje pasqyren ne formen e gazetave apo televizioneve, mbi te cilat ushtron presion ne momente te caktuara.
 

8/06/2004

"BOLL I KEMI PLEHRAT TONA"


Edlira Prenga

Grupimi i Reagimit Qytetar u beri dje thirrje per here te fundit banoreve te kryeqytetit dhe zonave perreth qe t'i bashkohen protestes se sotme para Kryeministrise. Ne nje komunikim me mediat, diten e djeshme, ky grupim i madh, i organizuar per here te pare nga te gjithe aktoret kryesore te organizatave joqeveritare, u shpreh qarte dje se kunder arrogances qeveritare te gjithe shqiptaret duhet te mblidhen per te protestuar. "Duke qene te ndergjegjshem qe Shqiperia ka nje problem alarmant per mbetjet, ne mbeshtesim cdo iniciative per zgjidhjen e ketij problemi, per sa kohe qe zgjidhja eshte transparente konform ligjit", thuhej dje ne deklaraten e tyre te perbashket. Ky grupim kerkoi ne kete menyre nga qeveria shqiptare se para marrjes se hapit te fundit ekstrem, ate te protestave masive, te respektoje kuadrin ligjor. "Ne besojme se zgjidhja nuk mund te vije nga kthimi i Shqiperise ne nje kosh per plehrat e huaja", thuhej ne deklaraten e tyre te perbashket, duke shtuar ne te njejten kohe se nuk paragjykojne asnje kompani qe kerkon te investoje ne Shqiperi. "Grupimi nuk paragjykon kompanine ne fjale, madje shpreh konsiderate per kapacitetin e saj. Ne i kerkojme qeverise shqiptare qe te respektoje kuadrin ligjor mbi mjedisin", u shprehen ata duke bere thirrje qe te gjithe njerezit te mblidhen sot para kryeministrise, per te mos lejuar arbitraritetin qeveritar. I gjithe ky reagim qytetar i organizatave te ndryshme joqeveritare, ka ardhur si rrjedhoje e nenshkrimit te nje projektvendimi te qeverise shqiptare me firmen italiane "Albaniabeg Ambient", ne te cilen flitet per ngritjen e nje impianti mbeturinash ne Kashar, ku do te perpunohen mbetjet e shtetit fqinj, Italise. Prej me se dy javesh, kjo eshte bere tema e dites jo vetem per ato organizata qe e kane ngritur si shqetesim, por dhe per banoret kryeqytetas te cilet jane ndergjegjesuar se do te ishte anormale ngritja e ketij impianti. Megjithate ajo qe eshte theksuar me shume keto kohe eshte fakti i nenshkrimit te kesaj marreveshje nga qeveria shqiptare me firmen italiane, ne menyre aspak transparente dhe me procedura te pershpejtuara. Per kete shkak, protesta e sotme bazohet ne respektimin e ligjit dhe nuk do te synoje parulla politike apo qe shprehin interesa te vecanta.

Ja cfare ka nenshkruar qeveria shqiptare me firmen itaiane

Qeveria shqiptare ka hartuar nje projektvendim, i cili po negociohet me firmen italiane "Albaniabeg Ambient", per nenshkrimin e marreveshjes koncesionare te tipit BOO, me qellim ndertimin e nje impianti per perpunimin e mbetjeve te ngurta urbane, i cili pritet te ndertohet ne Kashar. Firma italiane premton se do te perpunoje mbetjet urbane kundrejt kostos zero, me kusht qe 39 per qind te kapacitet te impiantit te sherbeje per perpunimin e plehrave te importuara nga Italia. Firma italiane nuk do te marre asnje pagese nga qeveria shqiptare per perpunimin e mbetjeve urbane. Nderkohe qe firmat e tjera per nje aktivitet te tille paguajne me 20-30 dollare per perpunimin e nje tonazhi plehrash. Ne kete rast, shteti nuk do te paguaje asnje pjese te shpenzimeve per studimin, projektimin dhe ndertimin e impiantit dhe shpronesimin e tokes ku do te ngrihet objekti.

Kete nder qe firma italiane "Albaniabeg Ambient" kerkon t'i beje qeverise shqiptare, ajo do t'ia shlyeje duke e lejuar ate te sjelle nga Italia 1400 ton mbetje te ngurta per t'i asgjesuar ne vendin tone.

Ligji shqiptar nuk lejon importin e mbeturinave

Importi i mbeturinave eshte i ndaluar me ligj ne Shqiperi.

Ne ligjin "Per administrimin mjedisor dhe mbetjeve te ngurta", thuhet se ndalohet importimi i mbetjeve dhe hedhurinave, qe rezultojne nga trajtimi i tyre, me qellim ruajtjen, depozitimin ose asgjesimin. Por qeveria ka vendosur ta lejoje nje veprim te tille duke i referuar nje VKM-je te dates 4.12.2003. Ne marreveshjen ne fjale ajo shprehet: "Qeveria ne baze te kesaj marreveshje lejon autorizimin per importimin e mbetjeve te ngurta urbane te parrezikshme per perdorim, perpunimin dhe riciklimin konform vendimeve te qeverise te dates 31.01.1994 "Per mbetjet e parrezikshme dhe mbeturinat" dhe vendimit te dates 12.04.2003 "Per miratimin e rregullave dhe procedurave per importimin e mbeturinave per perdorimin dhe riciklim" dhe ne perputhje me konventen e Bazelit. Perplasja mes marreveshjes dhe ligjit shqiptar "Per administrimin mjedisor te mbetjeve te ngrurta", ka krijuar perplasje edhe mes ministrave te qeverise Nano. Ministri i Mjedisit Ruka eshte shprehur ne menyre kategorike se eshte e palejueshme me ligj ngritja e nje impianti te tille. Ndersa kryeministri Fatos Nano, para pak ditesh, thirri ne nje takim tre nga Ministrat e kabinetit te tij, Fino, Blushi dhe Ruka. Ne kete takim ai u shpreh se nuk do te lejoje qe te nenshkruhet asnje marreveshje e paligjshme nga qeveria shqiptare. Megjithate ne nenshkrimin e kesaj marreveshje akuzat me te drejtperdrejta jane per kryeministrin aktual dhe ministrin e Turizmit. Sipas perfaqesuesve te organizatave joqeveritare dhe atyre te komunitetit te biznesit, te cilet kane ne dore projektvendimin qeveritar, pergjegjesia kryesore bie mbi keta dy emra...

Si lindi nevoja per protesten e sotme

Protesta e sotme eshte paralajmeruar qe te henen e kaluar ne nje reagim qyrtar te Keshillit Rinor Shqiptar, ku i kerkoi qeverise qe te prononcohej publikisht kunder importimit te plehrave nga Italia. Ky ne fakt ishte edhe reagimi i pare publik i shoqerise civile, nderkohe qe qeveria shqiptare reagoi pro importimit nepermjet Ministrise se Mjedisit. Po ate dite Rrjeti per Demokraci dhe te Drejtat e Njeriut ne bashkepunim me CAO dhe shoqata te ambientit i bene nje thirrje publike qeverise per t'u prononcuar mbi shkeljen e ligjit te verejtur nga OJF-te ne kuadrin negociatave me firmen italiane "Albaniabeg Ambient Sh.p.k.". Dy dite me pas pati nje tryeze te Rrumbullaket ne Hotel Tirana me perfaqesues te shoqerise civile dhe te komunitetit te biznesit. Ne kete Tryeze moren pjese perfaqesues te Keshillit Rinor, Koalicionit Anti-Korrupsion - ACAC, Co-Plan, MJAFT, Fondacionit SOROS, EkoLevizja, REC, perfaqesues nga komuniteti i Biznesit apo edhe intelektuale te pavarur. Pas reagimit te perfaqesuesve te Ministrise se Mjedisit (te vetmit qe u paraqiten ne ballafaqim nga pala qeveritare), rezultoi nga te gjithe aktoret e shoqerise civile qe e vetmja alternative qe i mbetej shoqerise civile ishte protesta e dites se sotme, e cila, pas nje konsensusi te panelit dhe auditorit (rrjeteve dhe OJQ-ve te mesiperme) u thirr nga perfaqesuesit e KRSH-se, te CAO-s, Ekolevizjes dhe te Rrjetit per Demokraci dhe te Drejtat e Njeriut. Per kete qellim OJF-te pjesemarrese ne takim krijuan nje grup pune per organizimin e protestes e cila perbehej nga aktoret emesiperm. Grupi i punes qe tashme ka marre emrin Grupi i Reagimit Qytetar ka paraqitur ne Drejtorine e Policise Tirane, njoftimin per mitingun e mesdites se sotme, i cili ka gjetur mbeshtetjen e mases se gjere te popullit, per shkakun e vetem se nje vendim i tille do te conte ne nje shkaterrim ekologjik per vendin tone.

8/06/2004  shekulli 

“BEG srl”, kompania mëmë e “Albaniabeg” ka falimentuar në ‘97-ën për shkak të humbjeve

Plehrat, firma italiane me një punëtor


Florian Papadhimitri

TIRANE- Kompania italiane që kërkon të ndërtojë impiantin e përpunimit dhe djegies së mbetjeve urbane në Kashar të Tiranës dhe përfaqësuesi i saj, shtetasi italian Francesco Becchetti nuk janë një kompani e madhe siç janë “reklamuar” në Shqipëri, por thjesht një kompani pa asete të patundshme dhe pa kapital monetar të madh. Në statutin e themelimit të “Beg srl”, kompania mëmë nga e cila është krijuar “Albaniabeg Ambjent”, thuhet se jo vetëm që firma nuk ka asnjë të punësuar, por dhe që ka falimentuar në vitin 1997 për shkak të humbjeve dhe reduktimit të kapitalit nën minimumin ligjor. Janë dokumentet që redaksia e “Shekullit” ka në dispozicion, të cilat vërtetojnë faktin që kompania “BEG srl” e drejtuar nga Becchetti është thjesht një firmë e vogël dhe pa aktivitet të madh. Dokumentet konfidenciale, tregojnë se kompania “BEG srl” nuk ka numrin e punëtorëve që ka deklaruar ditët e fundit në Shqipëri Francesco Becchetti. Kështu në një intervistë të para disa ditëve, “sipërmarrësi” italian ka bërë të ditur se bashkëpunon me një kompani, e cila ka si staf rreth 7 mijë persona, ndërkohë që në dokumentacionin ku tregohen të dhënat e kompanisë, stafi i “BEG srl” përbëhet vetëm nga një person, i cili është vetë presidenti i kësaj kompanie Francesco Becchetti, ndërsa numri i të punësuarve është zero. Kompania në fjalë, e cila ka selinë e saj në Romë, është themeluar më 29 nëntor të vitit 1989 dhe ka statusin juridik “të shoqërisë më përgjegjësi të kufizuar”. Nga dokumentacioni që jep të dhëna për këtë shoqëri, bëhet e ditur se aktiviteti kryesor i saj është shit-blerja, riparimi dhe mirëmbajtja e objekteve të ndryshme. Në statutin e saj, “BEG srl” ka si aktivitet dhe një sërë punimesh të tjera, të cilat si bazë kanë ndërtimin.
Falimentoi në ‘97-ën
Një fakt tjetër që bie në sy në dokumentet zyrtare, është paraqitja e gjendjes financiare të kësaj shoqërie. Në dokumentacionin ku jepen të dhënat për shoqërinë me përgjegjësi të kufizuar “BEG srl”, faktohet se që nga 24 prill i vitit 1997, shoqëria është shkrirë dhe ka kaluar në procesin e likuidimit për shkak të humbjes ose reduktimit të kapitalit nën minimumin ligjor që përcaktohet nga legjislacioni i shtetit italian. Pas falimentit të shpallur në këtë datë, të dhënat për këtë shoqëri, tregojnë se rreth dy vjet më vonë, më datë 30 prill të vitit 1999 kompania është riaktivizuar duke pasur si president Francesco Becchettin. Shoqëria në këtë datë është krijuar nga kapitali që kanë mundësuar pesë ortakë të ndryshëm. Përveç fakteve të mësipërme, në informacionet për aktivitetin e deritanishëm të kësaj shoqërie tregohet se nuk është bërë asnjëherë aktivitet kërkimor apo zhvillimi.

 

09/06/2004  panorama

letra


Lëkundet qeveria. Ministri i Pushtet Lokal akuzon Kryeministrinë për marrëveshjen e koncensionit të plehërave

Blushi letër Nanos për plehrat

Ja dokumenti sekret: Ju keni ndryshuar marrëveshjen




Tiranë

Plehrat po gënjejnë ministrat. Alarmin për mashtrimin me dokumentat e firmës që do të përpunojë plehërat në Shqipëri, këtë rradhë e jep Ben Blushi.

Ministri i Pushtetit Lokal, në një letër drejtuar sekretarit të përgjithshëm të Kryeministrisë, thekson se marrëveshja mbi plehrat është ndryshuar në momentin e fundit. Letra sekrete, që mban datën 28 maj 2004, i është vënë në dispozicion edhe ministrave Bashkim Fino e Ethem Ruka. Sipas këtij dokumenti, Blushi vë në dijeni Kryeministrinë se teksti i marrëveshjes që i është dhënë ministrave për miratim, është krejt e ndryshme nga teksti i negociuar me firmën italiane “Albanianbeg”. Në letrën drejtuar sekretarit të përgjithshëm të Këshillit të Ministrave, Blushi kërkon “tërheqjen e projektaktit me qëllim rinegociimin e marrëveshjes me palën konçensionare, sepse, nisur nga informacioni i marrë, marrëveshja e negociuar ndryshon nga marrëveshja e paraqitur për nënshkrim dhe që i propozohet për miratim Këshillit të Ministrave”. Sipas Blushit, marrëveshja që duhet të firmosin ministrat është e rreme, e ndryshme nga ajo për të cilën është rënë dakort nga negociuesit. Kjo do të thotë se pikat e marrëveshjes së negociuar kanë ndryshuar, pa u vënë në dijeni më parë negociuesit e kësaj marrëveshjeje, pa u njoftuar edhe ministrat. Në raste të tilla, (kur marrëveshja, që të hyjë në fuqi, kërkon votat e ministrave), qeveria cakton një grup pune që të negociojë me firmën kushtet e marrëveshjes. Negociuesit e qeverisë, duhet të mbrojnë interesat e Shqipërisë, ndërsa negociuesit e firmës së huaj interesat e tyre ekonomike. Pas negociimit, marrëveshja paraqitet para ministrave për miratim. Ndiqet një procedurë e tillë, pasi parashihet që edhe ministrat, të cilët nuk kanë dijeni për marrëveshjen, kanë besim tek negociuesit dhe e miratojnë atë. Por, në këtë rast, kushtet e negociuara kanë ndryshuar. Kështu, para ministrave ka ardhur një marrveshje e ndryshme nga ajo e negociuar. Marrëveshja e paraqitur në Këshillin e Ministrave është paraqitur duke përjashtuar mbrojtjen e interesave të Shqipërisë dhe duke shtuar pikat e përfitimit ekonomik të firmës së huaj. Pra, një marrveshje që nuk mbron interesat e Shqipërsië, por të dikujt tjetër. Ben Blushi, është i pari ministër që e ka bërë të ditur një ndryshim të tillë në marrëveshje. Ai ka theksuar në letrën e tij tërhejqen e projektaktit. Ky është qëndrimi i parë i një ministri kundër projektit për plehrat. Të njëjtën gjë Blushi e përmendi edhe gjatë një interviste dje në mbrëmje në një nga televizionet private. Ai theksoi se marrëveshja nuk ka kaluar akoma, përkundrazi është kthyer mbrapsh për t’u rinegociuar. Sipas Blushit, firma me të cilat po negociohet ka kredenciale jo shumë të rregullta.



Teksti i letrës
Faksimile e letrës së ministrit Blushi

Drejtuar z. Ksenofon KRISTAFI
Sekretar i Përgjithshëm i Këshillit të Ministrave

Për dijeni z. Bashkim FINO
Ministër i Rregullimit të Territorit dhe Turizmit

z. Ethem RUKA
Ministër i Mjedisit

Në mbështetje të pikës 2, neni 19, të ligjit Nr.9000, datë 30.01.2003, “Për organizimin dhe funksionimin e Këshillit të Ministrave” dhe në mbështetje të pikës 33, Kreu V të Rregullores së Këshillit të Ministrave, miratuar me VKM Nr. 584, datë 28.03.2003, “Për miratimin e Rregullores së Këshillit të Ministrave”, me cilësinë e njërit prej ministrave propozues kërkoj tërheqjen e projektaktit me qëllim rinegociimin e marrëveshjes me palën koncensionare, sepse, nisur nga informacioni marrë nga përfaqësuesi i MPVD-së, në Organin Shtetëror të Autorizuar, të përcaktuar me VM Nr. 207, datë 16.04.2004, marrëveshja e negociuar ndryshon nga marrëveshja e paraqitur për nënshkrim dhe që propozohet për miratim në Këshillin e Ministrave.



Protesta para kryeministrisë
Vezë dhe domate mbi përkrahësit e plehrave

Domate dhe vezë mbi portretet gjigande të Nanos dhe Finos. Përveç tubimit, këtë rradhë në përmasa shumë më të mëdha, kjo duket se ka qenë e reja e protestës së djeshme për ndalimin e importit të plehrave në Shqipëri. Me dhjetëra banorë janë mbledhur rreth orës 12 të drekës dhe kanë qëndruar për rreth 1 orë e 30 minuta para këtij institucioni duke hedhur parrulla nga më të ndryshmet për ndalimin e ndërtimit të impiantit të përpunimit të mbeturinave në periferi të Tiranës. Në protestë kanë marrë pjesë shoqata të ndryshme joqeveritare, Lëvizja MJAFT, Këshilli Rinor Shqiptar si dhe Koalicioni Reagimi Qytetar. Prostesta e ditës së djeshme ,paralajmëruar javën e shkuar ka mbledhur para Kryeministrisë jo vetëm përfaqësuesit e organizatave joqeveritare dhe specialistë të mjedisit, por edhe banorë të kryeqytetit. Ata janë bashkuar me reagimin e këtyre organizatave dhe kanë kundërshtuar ndërtimin e impiatit për përpunimin e plehrave në kryeqytet.

10/06/2004 Shekulli

Kryebashkiaku i Tiranës ka kërkuar që institucioni që ai drejton të vihet në dijeni për “Albaniabeg”

Plehrat, Edi Rama i çon letër Nanos: Keni shkelur ligjin

A.Rama


TIRANE - Anomali institucionale. Kështu e ka quajtur kryebashkiaku i Tiranës mosvënien në dijeni të institucionit që drejton për propozimin për ndërtimin e një impianti për importin e plehrave nga Italia.
Kryebashkiaku i Tiranës Edi Rama kërkon që institucioni që ia drejton të vihet në dijeni për
bisedimet që ka ndërmarrë qeveria shqiptare me kompaninë italiane “Albaniabeg Ambient” për ndërtimin e impiantit të përpunimit të mbetjeve urbane në Kashar. Nëpërmjet një letre drejtuar tre ministrave të përfshirë në negociata, Bashkim Fino, Ben Blushi dhe Et’hem Ruka, por edhe duke vënë në dijeni kryeministrin Nano, drejtuesit e Qarkut të Tiranës e Durrësit si dhe homologët e tij në Durrës dhe Kavajë, Rama e konsideron anomali institucionale shmangien që i është bërë pushtetit vendor nga bisedimet për fillimin e procedurës për koncesionin e formës BOO me firmën italiane me qëllim përgatitjen dhe realizimin e kontratës së koncesionit që i hap rrugë ngritjes së impiantit, e përcaktuar kjo në vendimin e qeverisë të 16 prillit 2004.
Sipas Ramës, VKM-ja në fjalë ka miratuar fillimin e procedurës dhe ka caktuar Organin Shtetëror të Autorizuar për fillimin e ofertave të paraqitura. “Sjellim në vëmendjen tuaj se në mbështetje të nenit 4 dhe 7 të ligjit “Për koncesionet dhe Pjesëmarrjen e Sektorit Privat në Shërbimet Publike dhe Infrastrukturë” projektet ose propozimet e pakërkuara lidhur me administrimin, grumbullimin, transportimin, përpunimin dhe eliminimin e mbeturinave të ngurta dhe të dëmshme shqyrtohen prej organeve të pushtetit lokal”, - thuhet në kërkesën e kreut të bashkisë Rama. Ai sqaron më tej se në rastin e “propozimeve të pakërkuara për përpunimin e mbetjeve ato kthehen në projekte dhe vazhdojnë procedurën si në projektin e kërkuar vetëm pasi shqyrtohen dhe konsiderohen se plotësojnë kriteret e përcaktuara nga pushteti lokal”. Sipas Ramës negociatat që po zhvillohen pas VKM-së së 16 prillit për ngritjen e impiantit të përpunimit të mbetjeve urbane të Tiranës dhe Durrësit, ku është e përfshirë juridiksioni i Bashkisë së kryeqytetit, kanë sjellë në vëmendje një çështje të rëndësishme që lidhet me përmirësimin e gjendjes së mbetjeve urbane të Tiranës. Ai shton më tej se kjo çështje lidhet me aspekte me karakter financiar, shoqëror dhe mjedisor, duke e bërë më të domosdoshme njohjen e Bashkisë së Tiranës me ofertat apo propozimet për të cilat OSHA po zhvillon negociatat e koncesionit.
“Është e domosdoshme që të respektohen parashikimet e bëra në nenin 4 dhe 7 të ligjit nr.7973 “Për koncesionet” lidhur me kompetencën e Bashkisë së Tiranës për shqyrtimin, vlerësimin në përputhje me kriteret e më pas miratimin e propozimeve apo projekteve të paraqitura në këtë drejtim, duke përfshirë, jo vetëm kërkesën me propozimin e pakërkuar ose projektin në raste të tilla, studimet eventuale gjeoambientale, projektin ndërtimor e teknologjik, studimin e leverdisshmërisë ekonomike për këtë marrëveshje, studimin për vlerësimin e ndikimit në mjedis si dhe projektin e zbatimit të impiantit për trajtimin e mbetjeve urbane”, - argumenton më tej Rama. Sipas kryebashkiakut, edhe në nenet 65 dhe 73 të ligjit nr. 8934 “Për mbrojtjen e mjedisit”dhe në ligjin nr.9010 “Për administrimin e mbetjeve të ngurta”, është përcaktuar se është detyrim ligjor pjesëmarrja e organeve të pushtetit vendor në përcaktimin e metodologjisë së përpunimit të mbetjeve, të vendeve të grumbullimit apo edhe të administrimit të impianteve.

10/06/2004

Shefja e Zyrës së Ekonomisë dhe Mjedisit në OSBE tha se Parlamenti shqiptar ka miratuar në ‘99 Konventën e Baselit

OSBE: Importi i plehrave kundër Konventës së Baselit


N.Perndoj

TIRANE- Shteti shqiptar nuk ka respektuar asnjë pikë të Konventës së Baselit për importimin e mbetjeve të rrezikshme, ose gjysmë të rrezikshme. Shefja e zyrës së Ekonomisë dhe Mbrojtjes së Mjedisit në Prezencën e OSBE-së, Ledia Muço, citoi dje pjesë të kësaj konvente, duke shtuar në të njëjtën kohë se Shqipëria është palë e konventës se Basel-it “Mbi kontrollin e lëvizjeve ndërkufitare të mbetjeve të rrezikshme dhe asgjësimin e tyre”. Shqipëria e ka ratifikuar këtë konventë në Parlament në vitin 1999. Sipas Muços, konventa parashikon që “lëvizjet ndërkufitare të mbetjeve të rrezikshme ose të mbetjeve të tjera mund të kryhen mbi bazën e një njoftimi me shkrim të bërë nga shteti eksportues tek autoritetet kompetente të shtetit/eve që importojnë apo shërbejnë si vend tranzit. Çdo transportim i mbetjeve të rrezikshme apo të tjera duhet të shoqërohet me dokumentet përkatëse nga pika ku fillon lëvizja ndërkufitare e deri në pikën ku bëhet asgjësimi i tyre. Gjithashtu transporti i mbetjeve të rrezikshme i bërë pa dokumentet shoqëruese konsiderohet si ilegal. Ka parandalime të eksportit të këtyre mbetjeve nga disa vende të caktuara”,-tha dje Muço. Deri në këtë pikë të konventës, shteti shqiptar nuk ka plotësuar asnjë kërkesë për miratimin e projektmarrëveshjes. “Konventa përmban gjithashtu listën e mbetjeve të rrezikshme dhe për të cilat lëvizjet ndërkufitare nuk janë të lejuara. Në vazhdim të kësaj, mbetjet që nuk janë të përfshira në këtë definicion, por janë përcaktuar si/ose konsiderohen të jenë të rrezikshme nga legjislacioni vendas, i vendit palë si eksporues, importues apo vend tranzit duhet të konsiderohen gjithashtu si mbetje të rrezikshme”, -tha ajo. Muço sqaroi se palët që ushtrojnë të drejtën e tyre për të ndaluar importimin e mbetjeve të rrezikshme ose mbetjeve të tjera për asgjësim duhet të informojnë palët e tjera sipas artikullit 13 të Konventës së Baselit. Sipas konventës, nuk lejohet eksporti i mbetjeve të rrezikshme ose mbetjeve të tjera në një shtet apo grup shtetesh që janë palë në një organizëm të integrimit politik/ekonomik, veçanërisht, vendet në zhvillim, të cilët mund të kenë ndaluar me legjislacionin e tyre të gjitha llojet e importeve, ose nëse ka arsye të besojnë se mbetjet në fjalë nuk do të menaxhohen në një mënyrë mjedisore të shëndoshë sipas kritereve të vendosura nga palët që në takimin e tyre të parë.

10/06/2004

PD: Plehrat, italianët mund ta rrisin sa të duan çmimin e përpunimit

PD: Plehrat, çmimi i përpunimit në dorë të italianëve

Sekretari Ekonomik në PD tha se për 25 vjet “Albaniabeg” ka ekskluzivitetin e përpunimit dhe nuk mund të ndërtohet impiant tjetër

Nevila Perndoj

TIRANE- Sekretari i Marrëdhënieve me Ekonominë në PD, Edmond Spaho deklaroi dje për “Shekullin” se projektmarrëveshja mes qeverisë shqiptare dhe firmës italiane për përpunimin e mbetjeve të ngurta përfaqëson interesa të ngushta të disa prej titullarëve të lartë të shtetit.

Z.Spaho, si e vlerësoni projektmarrëveshjen mes qeverisë shqiptare dhe firmës italiane për përpunimin e mbetjeve të ngurta, me kushtin që 39% e kapacitetit të impiantit të përpunojë mbetje që vijnë nga Italia?
Marrëveshje tipike neokolonialiste. Gjoja po na bëjnë nder "të madh" që do të na përpunojnë ca plehra tonat falas dhe si shpërblim na kërkojnë një nder "të vogël" të sjellin plehrat dhe mbeturinat e rrezikshme të tyret për t’i djegur, përpunuar, depozituar në një vend të cilin, megjithëse nuk e shprehin, e konsiderojnë të dorës së dytë, i banuar nga qënie njerëzore të llojit të tretë. Le pastaj kur shprehen se do të investojnë qindra milionë euro për të mirën e popullit tonë dhe do të hapin mijëra vende pune e të tjera broçkulla si këto. Kur qenka kaq me leverdi përse nuk i investojnë këto miliona euro në vendin e tyre? Përse pranojnë t’i transportojnë plehrat nga Italia në Shqipëri duke rritur ndjeshëm koston e përpunimit dhe nuk ndërtojnë impiantin në Itali dhe t’i djegin plehrat atje meqënëse qenka tërësisht e parrezikshme dhe teknologjia kaq e sofistikuar sa nga djegia nuk do të dalë as tym dhe ne nuk do ta marrim vesh që po digjen plehra.
Çfarë pasojash mendoni se mund të sjellë një marrëveshje e tillë, që deri më tani është firmosur nga tre ministrat Fino, Ruka e Blushi ?
Kohët e fundit në emër të sjelljes së investimeve të huaja në Shqipëri ne po nënshkruajmë marrëveshje të cilat kanë karakter shfrytëzues dhe në dëm të interesave të vendit. Veç marrëveshjeve që kanë të bëjnë me telefoninë celulare mund të përmend atë të ekskluzivitetit të depozitimit të lëndëve djegëse në zonën e Vlorës e cila kur të fillojë të zbatohet do të shohim që nuk do të jetë vetëm për depozitim por me anë të marifeteve do të shtrihet edhe në tregtimin e lëndëve djegëse duke e monopolizuar tregun.
Marrëveshja e plehrave ashtu si është konceptuar na kthen në kosh plehrash të të tjerëve, do të ndotë ambientin dhe do të na shkaktojë humbje financiare për shkak të ekskluzivitetit që mendohet t’i jepet firmës italiane. E keqja në të vërtetë nuk na vjen nga firma e huaj pasi atyre ju lumtë kur gjejnë partnerë që pranojnë kushte të tilla poshtëruese. E keqja reale na vjen nga dallaverexhinjtë tane, të cilët për interesa ngushtësisht personale i firmosin marrëveshjet ashtu si jua vënë përpara kjo kategori të huajsh pa u bërë fare merak se ku po e çojnë këtë vend. Nëse do të ishim vend normal me administratë të përgjegjshme, ditën e martë e gjithë Ministria e Turizmit duhej të ishte në protestë kundër marrëveshjes për importin dhe djegien e plehrave të të tjerëve në Shqipëri. Në fakt kjo ministri që duhej të ishte barrikada kryesore kundër marrëveshjeve të tilla, të cilat e groposin industrinë turistike, është iniciatorja dhe nënshkruesja për importin e plehrave.

Sipas projektit, vetëm 4 milionë ton mbetje shqiptare do të trajtohen me kosto zero, ndërsa pjesa tjetër që është e konsiderueshme në shifër do të përpunohet kundrejt një çmimi që duket se do të caktohet nga firma për sa kohë që në projektmarrëveshje nuk është parashikuar një gjë e tillë. Cili është komenti juaj?
Të gjitha këto historirat me miliona ton plehra me kosto zero janë për të justifikuar ekskluzivitetin. Pasi të ndërtohet impianti, investitori italian, do të ketë mundësinë ligjore që ta rrisë çmimin e përpunimit të plehrave sa të dëshirojë ai, pasi zotëria i ka marrë masat që ti të mos kesh mundësi tjetër ku t’i dërgosh plehrat dhe ta kesh të ndaluar të ndërtosh impiant tjetër gjatë periudhës që ai gëzon ekskluzivitetin e dhënë me bujari nga qeveritarët tanë patriotë për 25 vjet dhe me të drejtë rinovimi. Nëse do të guxosh të ndërtosh impiant tjetër, zotëria i nderuar të çon në arbitrazh ndërkombëtar dhe të merr një dëmshpërblim nja 4-5 herë më të madh se investimi që ka bërë. Kjo marrëveshje jo vetëm që mbart rrezikun që bashkë me plehrat të hyjnë në Shqipëri edhe kushedi çfarë mbetjesh të rrezikshme pasi kufijtë tanë janë të shpartalluar dhe administrata thellësisht e korruptuar, por ajo është plotësisht antiekonomike pavarësisht dukjes se gjoja do të na përpunojnë kaq e aq miliona ton plehra falas. Marrëveshjeve me kushte të tilla këmbimesh në natyrë ku falet ekskluziviteti për të përpunuar kaq milionë ton plehra falas u duhet dhënë fund një herë e mirë. Nëse partnerët do të ishin të dy privatë ata do t’i matnin kontributet e njëri -tjetrit deri në qindarkën e fundit. Përse nuk ndodh e njëjta gjë në rastin e interesave shtetërore?
A ju duket e drejtë që një projektmarrëveshje e tillë për vetë rëndësinë që ka të mbahet e fshehur nga qeveria shqiptare? A mendoni se një marrëveshje e tille ende e papërfunduar duhet të bëhej transparente për publikun?
Nëse do të bëhej transparante do t’ju dilte boja sharlatanëve që e kanë iniciuar dhe përpiqen ta vënë në zbatim prandaj ajo duhet bërë në fshehtësi të plotë nga publiku. Shikoni sa hipokritë janë përfaqësuesit e institucioneve shqiptare, Ministria e Mjedisit dhe ajo e Pushtetit Vendor shprehen nëpërmjet titullarëve të tyre që kjo marrëveshje është e parregullt dhe e papranueshme. Por zyrtarët e këtyre dy ministrive si dhe asaj të Rregullimit të Territorit dhe Turizmit kanë përbërë organizmin që shqyrtoi ofertat dhe seleksionoi ofertën e firmës italiane. Ata kanë qenë në dijeni të të gjithë hollësive dhe detajeve të marrëveshjes dhe kanë rënë dakord sa kohë që e kanë seleksionuar si më të mirën dhe ia paraqesin Këshillit të Ministrave për miratim.

 

10/06/2004

MISTERI PER NENSHKRIMET E KONTRATES

Ministrat "harrojnë" firmat e tyre
Ruka: "S'firmosa". Blushi: "Më ndryshuan kontratën"


--------------------------------------------------------------------------------



Ministri i Mjedisit Ethem Ruka deklaroi se nuk ekziston asnjë marrëveshje koncensioni të firmosur me Albaniabeg. Ministri Ben Blushi lajmëron kryeministrinë se kontrata që ka firmosur është e ndryshme nga ajo që kishte negociuar. Këto janë vetëm dy nga misteret politike që dolën në pah nga debati për çështjen e ndërtimit të impiantit të Kasharit, për të cilin në datën 20 maj 2004 është firmosur një marrëveshje koncensioni me një firmë italiane Albanianbeg ambiente nga ministrat Ruka, Blushi dhe Fino. Ky i fundi është i vetmi që nuk ka mohuar firmën e vet.

Ruka
Gazeta disponon faksimilet e kontratës së koncesionit të firmosur më datën 26/05/2004 nga vetë ministri Ruka në zyrën e tij dhe në prani të 10 personave. Veç kësaj, çdo faqe e kontratës është nënshkruar nga juristi i ministrisë së tij. Nëse një qytetar i thjeshtë do mohonte se ka lexuar, studiuar e nënshkruar një dokument, kjo do të ishte pa pasoja, por ndryshe qëndron çështja kur kemi të bëjmë me një ministër. Ka tre mundësi: ose ministri gënjen, ose ka firmosur qorrazi, ose firma e tij dhe vula e ministrisë është bërë mall pa zot. "Ne shohim kushtet ku do të ngrihet landfili, a ka studim sizmik të zonës, se mos mbeturinat depërtojnë në të çarat e tokës, a ka studim gjeologjik, pasi helmet mund të ndotin ujërat etj.", tha Ruka. Kjo deklaratë e tij lë të kuptohet se ministri as që e ka lexuar projektin, për shkak se në të shpjegohet qartë i gjithë shqetësimi i tij.

Blushi
Por nuk është vetëm Ruka në këtë linjë, por edhe ministri i Pushtetit Vendor e Decentralizimit Ben Blushi. Ai deklaron se do të negociohet projekti dhe në të vërtetë ai e ka firmosur kontratën. Një firmë, para se të hidhet në një kontratë koncesioni, lexohet, diskutohet dhe bihet dakord me palën tjetër, që në këtë rast është "Albanianbeg Ambient". Dyshimi tjetër, si edhe për Rukën, është se Blushi s'ka lexuar se çfarë ka firmosur. Ky dyshim vjen nga fakti se ai me anë të një shkrese 3 ditë pasi e kishte firmosur kontratën, njoftonte sekretarin e përgjithshëm të kryeministrisë, ministrin Fino e ministrin Ruka se "marrëveshja e negociuar ndryshon nga marrëveshja e paraqitur për nënshkrim dhe që propozohet për miratim në Këshillin e Ministrave", citojmë faksimilen e botuar dje në të përditshmen "Panorama". Kjo shkresë e firmosur prej tij tregon se sa thotë të vërtetën ministri i Mjedisit Ethem Ruka në lidhje me këtë çështje. Kujtojmë se Ruka deklaronte që marrëveshja nuk kishte shkuar në dikasterin e tij.

Fino
Vula e Ministrisë së Rregullimit të Territorit e Turizmit, emri i ministrit Fino dhe firma e tij janë sipër kontratës së nënshkruar. Gjatë gjithë kohës që po bëhet debati në lidhje me projektin e prodhimit të energjisë nga mbeturinat, ministri Fino nuk bëri asnjë deklaratë që të mohonte firmën e tij. Kjo bëri që ai të vihej në qendër të vëmendjes së protestës së disa organizatave civile dhe një pjese të medias së botuesve, që janë shfaqur si konkurrentë të kompanisë italiane.

Protestuesit
Në numrin e djeshëm të gazetës Shekulli një zëdhënës i njësisë së kordinimit të protestës deklaronte se nga publikimi në një gazetë kishte mësuar se edhe ministri Blushi kishte nënshkruar kontratën me Albanianbeg Ambient. Kjo tregon se ata që e organizuan protestën para kryeministrisë as që e kanë lexuar këtë kontratë apo projektin e paraqitur nga italianët.


Të njëjtët ekspertët rishohin projektin e tyre

Me urdhër të kryeministrit është ngritur një grup pune që po shqyrton këtë projekt. Grupi drejtohet nga sekretari i përgjithshëm i Këshillit të Ministrave e përbëhet nga ekspertë të ministrive përkatëse. Ekspertët janë pikërisht nga ato ministri që për një kohë të gjatë kanë studiuar, diskutuar e negociuar projektin me palën italiane e në fund u kanë sugjeruar ministrave të tyre të firmosin projektin e kontratën e paraqitur nga kompania italiane Albanianbeg Ambient. Një punë e tillë duhej të bëhej para se të nënshkruhej kontrata nga tre ministrat. Debatet e fundit në publik dhe në një pjesë të medias bënë që institucionet shtetërore të deklarojnë rishikim e rinegocim të kësaj kontrate.


Blushi: Të rishikohet
Ministri i Pushtetit Vendor dhe Decentralizimit Ben Blushi, gjatë një interviste televizive, tha se marrëveshja ka nevojë të rishikohet, sepse duhet të dëgjohet edhe zëri i publikut. Ndërsa nisi debati për këtë çështje, për Blushin u tha se nuk kishte firmosur kontratën koncesionare.


Ruka mohoi firmën
Ministri i Mjedisit Et'hem Ruka, gjatë një interviste televizive, mohoi që të kishte firmosur kontratën koncesionare me përfaqësuesin e "Albanianbeg Ambient". Ai doli kundër projektit, duke ngritur shqetësimin për ambientin. Ndërkohë, edhe juristët e Ministrisë së Mjedisit që kanë shqyrtuar dhe firmosur marrëveshjen, dolën më pas kundër saj.


Fino "qëllohet" me vezë
Ministri i Rregullimit të Territorit dhe Turizmit Bashkim Fino është i vetmi nga tre ministrat firmëtarë të kontratës me "Albaniabeg Ambient" që nuk e ka mohuar firmën e tij. Për këtë arsye portreti i tij u vendos në qendër të protestës së para dy ditëve dhe u godit me vezë bashkë me portretin e kryeministrit Nano.


 

10/06/2004

I GJITHE DEBATI I 10 DITEVE TE FUNDIT

Ja 9 pikat e nxehta për plehrat
Pro dhe kundër projektit të impiantit të Kasharit


--------------------------------------------------------------------------------



Ndërtimi i impiantit të përpunimit të mbetjeve në Kashar është kthyer tashmë në debatin kryesor. Por tymnaja e ngritur së fundi rreth këtij projekti ka qenë aq "e dendur", sa është e vështirë të kuptosh se ku qëndron e vërteta dhe ku interesi i debatuesve. Gazeta po përmbledh në pak rreshta të gjitha argumentet pro dhe kundër këtij projekti, të publikuara gjatë kësaj jave. Akuzat dhe përgjigjet e firmës "Albaniabeg Ambient" vijnë të paredaktuara, ashtu siç janë shpalosur gjatë këtyre ditëve, me qëllim që secili prej lexuesve të kuptojë më shumë rreth kësaj çështjeje, që është mjaft e rëndësishme edhe për të ardhmen e tij.

Akuza 1
"Shoqëria italiane do të importojë mbetje të padiferencuara nga BE-ja, duke e kthyer Shqipërinë në një kosh plehrash"
Përgjigjja
"Firma italiane nuk do të importojë mbeturina të padiferencuara (ashtu siç i hasim çdo ditë në koshat e mbeturinave apo siç mbërrijnë në gropën e Sharrës), por vetëm një derivat, i prodhuar nga trajtimi i mbetjeve të përpunuara dhe përzgjedhura. Ky produkt i përpunuar (i quajtur CDR) shërben si lëndë djegëse për prodhimin e energjisë elektrike nga impianti i përpunimit. Një garanci e mëtejshme se shoqëria italiane nuk mund të sjellë në Shqipëri mbetje urbane të papërpunuara dhe të padiferencuara është fakti që edhe Bashkimi Europian e ndalon eksportimin e këtyre mbetjeve. Autoritetet doganore italiane do të kryejnë një kontroll të këtyre mbetjeve të përpunuara përpara se ato të dalin nga Italia".

Akuza 2
"Ligji shqiptar e ndalon importimin e mbetjeve urbane dhe, si rrjedhojë, kjo marrëveshje është e paligjshme".
Përgjigjja
"Ligji shqiptar, nr. 9010, datë 13.2.2003, në nenin 8, paragrafi c, ndalon 'importimin e mbetjeve dhe të hedhurinave që rezultojnë nga trajtimi i tyre, me qëllim ruajtjeje, depozitimi ose asgjësimi'. Në nenin 22, pika 3, të ligjit 8934, datë 5.9.2002, përcaktohet se Këshilli i Ministrave ka të drejtë për të vendosur "importimin e çdo lloj mbetjeje me qëllim përdorimin, përpunimin dhe riciklimin". Produkti i mbetjeve të thata urbane që do të importohet nga Italia, sipas vendimit të Këshillit të Ministrave nr. 806, datë 4.12.2003, do të jetë i destinuar për vlerësimin dhe prodhimin e energjisë elektrike. Si rrjedhojë, nuk ka asnjë pengesë ligjore në këtë marrëveshje".

Akuza 3
"Firma italiane do të importojë, mes mbetjeve, edhe kimikate dhe mbeturina toksike"
Përgjigjja
"Firma italiane nuk mund të importojë në Shqipëri asnjë lloj substance të rrezikshme, sepse ligji i Bashkimit Europian e ndalon daljen nga kufijtë e BE-së të këtyre mbetjeve. Përsëri do të jenë autoritetet italiane që do të kontrollojnë përmbajtjen e mbetjeve që do të vijnë në Shqipëri. E sigurt është gjithashtu se në Shqipëri nuk do të vijnë asnjëherë mbetjet e kazanëve të plehrave italianë, por produkte të përpunuara".

Akuza 4
"Doganat shqiptare janë të paafta për të kontrolluar dhjetëra kamionë që do të vijnë çdo ditë nga Italia"
Përgjigjja
"Produkti që do të vijë në Shqipëri, është i paketuar në disa blloqe kubikë, të quajtura "Eko-kubikë". Secili prej tyre ka një kod të caktuar dhe çdo kodi i korrespondon një tip substance që përmban "Eko-kubiku". Kontrolli i parë i tyre do të kryhet nga autoritetet italiane në pikën e nisjes, ndërsa kontrollin e dytë e kryejnë autoritetet doganore kur kamionët do të ngjiten në traget për të mbërritur në Shqipëri. Kontrolli i tretë do të kryhet nga autoritetet doganore shqiptare në momentin e mbërritjes së kamionëve. Një tjetër kontroll, i katërti, është ai që do të kryhet në hyrje të impiantit të Kasharit. Nuk duhet harruar që në të gjithë botën kontrollet në ngarkesat e sasive të mëdha kryhen mbi bazën e kampioneve".

Akuza 5
"Autoritetet shqiptare nuk kanë apara-turat dhe eksperiencën e duhur për të kontrolluar mbetjet që do të importohen"
Përgjigjja
"Në marrëveshjen e firmosur, firma italiane ka marrë përsipër ndërtimin me shpenzimet e saj të një laboratori kimik të specializuar pranë impiantit të Kasharit, i cili do t'u besohet autoriteteve shqiptare. Në këtë mënyrë do të kryhet një kontroll i specializuar i të gjitha produkteve që do të vijnë nga Italia. Njëkohësisht, firma është zotuar që të dërgojë për specializim jashtë shtetit disa prej këtyre specialistëve që do të kryejnë kontrollet".

Akuza 6
"Porti i Durrësit nuk mund të përballojë dhjetëra kamionë të ngarkuar me mbetje që do të mbërrijnë nga Italia".
Përgjigjja
"Firma italiane është zotuar në marrëveshje që të realizojë falas të gjitha punimet e nevojshme në portin e Durrësit, si dhe në rrjetin rrugor deri në Kashar".

Akuza 7
"Impianti i propozuar nga firma italiane, i cili parashikon djegien e mbetjeve, nuk zbaton rregullat e BE-së. Në të gjithë Europën, mbetjet urbane groposen nën tokë (landfill), sepse ky është sistemi më i sigurt dhe më pak ndotës".
Përgjigjja
"Krejt e kundërta. Me ligjin nr. 31 të vitit 1999, Bashkimi Europian ka përcaktuar sistemin e groposjes (landfill) si një metodë jo të duhur për zgjidhjen e problemit të mbeturinave dhe ka vendosur të ndalojë groposjen e mbetjeve urbane të papërpunuara. Në Itali ky sistem do të ndalohet të përdoret, duke filluar që nga viti 2005. Të njëjtin rregull për ndalimin e sistemit të groposjes kanë vendosur në data të ndryshme edhe vendet e tjera të BE-së apo ato që pritet të aderojnë në BE. Ligji europian përcakton se vetëm një pjesë e mbeturinave, mbetjet e ngurta (afërsisht 20 për qind e mbetjeve urbane), të cilat kanë në përbërje hekurin, xhamin ose materiale të tjera të padjegshme, mund të groposen. Pjesa e thatë e mbetjeve (afërsisht 30 për qind e tyre) duhet të digjet dhe të transformohet në energji elektrike. Pjesa organike (afro 50 për qind e mbetjeve) duhet të përpunohet dhe të transformohet në një produkt, i cili quhet "kompost". Këto do të jenë proceset që do të kryhen në Kashar me mbetjet e qyteteve të Tiranës dhe të Durrësit.

Akuza 8
"Impianti italian do të ndotë mjedisin".
Përgjigjja
"Impianti do të respektojë rregulloren e BE-së, që kufizon në maksimum ndotjen. Modeli i impiantit të termovlerësimit, si ai që pritet të ndërtohet në Kashar, është i njëjtë me ato që ndodhen në qendër të kryeqyteteve më të mëdha të botës, si Vjena, Tokio apo Parisi. Vetëm në Francë janë ngritur 400 impiante të tilla, gjë që dëshmon se nuk ka rreziqe ndotjeje".

Akuza 9
"Shqipëria nuk përfiton asgjë nga përpunimi i mbetjeve italiane".
Përgjigjja
"Duke importuar produktet e mbetjeve të thata (CDR), firma italiane do të kursejë nga eksportimi i tyre në vendet e tjera europiane. Në këmbim ajo do të përpunojë falas deri në 4 milionë tonë mbetje urbane të Tiranës dhe të Durrësit. Këto sasi mbetjesh llogaritet që të jenë sa sasia që prodhojnë këto dy qytete për 10 vjet. Bashkitë e Tiranës dhe Durrësit do të kursejnë në këtë mënyrë afërsisht një shifër 7.5 milionë dollarë për çdo vit.

E Premte, 11 Qershor 2004


MOISIU: TE NDERPRITEN NEGOCIATAT PER MBETURINAT

Tedi Blushi

Kreret me te larte te shtetit perplasen per "ceshtjen e plehrave". Per here te pare, Presidenti i Republikes, Alfred Moisiu, kundershtoi publikisht ngritjen e nje impanti perpunimi te mbetjeve urbane, ne Kashar te Tiranes. Ky i fundit shfrytezoi dje takimin me Zv/drejtorin e Bankes Boterore, Shigeo Katsu, per t'u radhitur perkrah shoqerise civile, ne perpjekjen e saj per te ndalur realizimin e nje projekti te tille. Moisiu vleresoi oponencen qe qytetaret po tregojne ndaj qeverise shqiptare, duke lene keshtu te nenkuptohej se dhe ai vete personalisht kerkon nderprerjen e menjehershme te negociatave mes ekzekutivit dhe "Albaniabeg Ambient". "Ne kete kontekst eshte i rendesishem roli qe luan shoqeria civile, e cila, edhe kur ben oponence ndaj institucioneve shteterore, duhet te merret ne konsiderate", vuri ne dukje ai. Nepermjet ketij reagimi, shanset me te medha jane qe shume shpejt, ne mos zyrtarisht, kreu i shtetit t'i kerkoje shefit te qeverise anullimin e kontrates se nenshkruar me kete firme italiane. Madje burime konfidenciale brenda Presidences, konfirmojne faktin se kjo teme do te jete kryefjala edhe e nje takimi te mundshem koke me koke, Moisiu-Nano, ku ky i fundit duhet te jape llogari rreth detajeve te ketij procesi, qe ende nuk eshte bere transparent. Fale nje qendrimi te tille, presidenti Moisiu shnderrohet keshtu ne zyrtarin me te larte te shtetit, qe kerkon pengimin e importit te mbeturinave urbane ne vendin tone. Pas presionit mediatik, qytetar, politik e se fundmi te nje institucioni shteteror, nder me te rendesishmit, ka gjasa qe kreu i ekzekutivit ta kete teper te veshtire, mundesine per te lejuar realizimin e ketij projekti. Pas "Zonjes se Pare", ceshtja e plehrave eshte nje rast tjeter, ku te dy autoritetet me te larta ne vend perplasen mjaft ashper ne qendrimet e tyre.

20/06/2004 tema

"Greenpeace" denoncon se qeveria italiane ka kërkuar t'i shpëtojë problemit të eksportimit të mbetjeve duke ndërruar përkufizimin e CDR, nga mbetje urbane, ka kaluar në klasën e mbetjeve "speciale"

"Greenpeace" i kërkon qeverisë italiane të mos nënshkruajë kontratën e konçensionit mes autoriteteve shqiptare dhe ''Albanianbeg''

Në Shqipëri, Italia shkel ligjin ndërkombëtar për plehrat

Përkufizimi i ri i mbetjeve dhe çrregullimet rrezikojnë të rrisin kriminalitetin ndaj ambjentit

Ndryshimi i përkufizimit bën që ligji të japë mundësinë për të asgjësuar këtë material në rajone të ndryshme nga ato të prodhimit, duke dhunuar të ashtuquajturin "principin e vetërregullimit", princip ky që aplikohet për mbetjet e zakonshme urbane jo të rrezikshme

Italia, në vend që të zgjidhë problemin e përpunimit të mbetjeve të territorit të vet, dëshiron të ndërtojë një inçenerator në Shqipëri për të djegur edhe CDR (combustibile derivato dai rifiuti ose plehra të djegshme), produkt i vendit tonë. "... përpunimi i mbetjeve në Itali është bërë një domosdoshmëri emergjente dhe në vend që i gjithë sistemi të orientohet drejt masave konkrete të parandalimit, riciklimit dhe ripërpunimit, tentohet të ndryshohet përkufizimi i mbetjeve, duke çrregulluar të gjithë normativën e sektorit, dhe në fund, duke dërguar mbetjet tona në vendet fqinje ..." konfirmon Vittoria Polidori, e fushatës kundër ndotjes në "Greenpeace".

Sipas legjislacionit ndërkombëtar (Marrëveshja e Bazilesë) dhe të Bashkimit Europian (Rregullores europiane 259/93) nuk është e lejuar të eksportohet CDR, për aq kohë sa do klasifikohen si "mbetje të ngurta urbane" nuk mund të eksportohet as për asgjësim, as për ricklim. "Greenpeace" denoncon se qeveria italiane ka kërkuar t'i shpëtojë problemit duke ndërruar përkufizimin e CDR (Ligji 16/2002 neni. 7, pika 11°) që nga mbetje urbane, ka kaluar në klasën e mbetjeve "speciale". Nga një këndvështrim praktik, ligji, ka dhënë mundësinë për të asgjësuar këtë material në rajone të ndryshme nga ato të prodhimit, duke dhunuar të ashtuquajturin "principin e vetërregullimit" që aplikohet për mbetjet e zakonshme urbane jo të rrezikshme.

Rrjedhimisht, falë përkufizimit të ri të mbetjeve (Ligji 178/2002) dhe projektligjit për ambjentin që do të diskutohet së afërmi në Senat, CDR do të përjashtohej plotësisht nga ligji mbi mbetjet. Në këtë këndvështrim, përkufizimi i ri dhe çrregullimet rrezikojnë të rrisin kriminalitetin ndaj ambjentit. Greenpeace i kërkon qeverisë italiane të mos nënshkruajë kontratën e konçensionit mes autoriteteve shqiptare dhe shoqërisë italiane ''Albanianbeg ambient'', që bën pjesë në konsorciumin privat ''Co.La.Ri.'' (Konsorciumi i Mbetjeve në Lacio) që merret mes të tjerash me asgjësimin e mbetjeve në Romë.

"... Do të kërkojmë që të mos jepet asnjë autorizim për të eksportuar CDR drejt Shqipërisë. Veç të tjerash, Italia duhet ende të ratifikojë Protokollin e Izmirit të Marrëveshjes së Barcelonës, që rregullon transportin ndërkufitar të mbetjeve të rrezikshme të Mesdheut. Urojmë që ky ratifikim të hyjë shumë shpejt në punë ..." shpjegon Polidori.

"Reagimi qytetar", protestë të martën në Durrës

Protesta në Durrës do të paraprihet nga një protestë të hënën pasdite para kryeministrisë

Koalicioni 'Reagimi Qytetar' pritet të organizojë të marten një protestë para portit të Durresit, për të ndaluar instalimin e impiantit italian të përpunimit të plehrave në Shqipëri. Sipas drejtuesve të koalicionit është zgjedhur Durrësi për protestën e radhës, sepse prej këtu mendohet të zbarkojnë rreth 70 kamionë në ditë me mbetje urbane nga Italia. Protesta e së martës do të paraprihet nga një tubim që do të organizohet të hënën pasdite para selisë së kryeministrisë.
 

22/06/2004 tema

Në peticion kërkohet të mos merret në konsideratë marrëveshja me shoqërinë italiane 'Albanian Beg Ambient'. Afati që i lihet Nanos për plotësimin e kërkesave, është 5 ditë pas dorëzimit të peticionit në kryeministri

Qytetarët nënshkruajnë një peticion drejtuar Kryeministrit ku kërkojnë shkarkimin e Bashkim Finos

Protestë për plehrat, qytetarët ultimatum Nanos

Përpara selisë së kryeministrisë, zhvillohet një tubim kundër importit të mbetjeve urbane

"Qeveria jonë ka menduar ta zgjidhë problemin e plehrave të italianëve me pikën 9 të marrëveshjes famëkeqe ku thuhet: do të përpunohen plehra të padiferencuara", thanë oratorët

Alida Beqiri

Qindra banorë nga Tirana dhe rrethinat e saj protestuan për rreth 30 minuta dje pasdite në sheshin përpara godinës së kryeministrisë kundër marrëveshjes së qeverisë shqiptare me firmën italiane të përpunimit të mbetjeve urbane. Protesta u organizua nga "Njësia Për koordinimin e Protestës Popullore", dhe qytetarët nënshkruan një peticion drejtuar qeverisë, nëpërmjet të cilit kërkonin largimin nga detyra të ministrit Bashkim Fino, ministrit që ka firmosur marrëveshjen. Në këtë peticion kërkohej edhe që të mos merret në konsideratë marrëveshja me shoqërinë italiane 'Albanian Beg Ambient', e cila ka marrë përsipër përpunimin e mbetjeve urbane të kryeqytetit dhe Durrësit.

Oratorët e protestës thanë se pas mbledhjes së një numri të caktuar firmash në të gjithë vendin, peticioni do t'i dorëzohet kryeministrit Nano, të cilit do t'i lihen vetëm 5 ditë kohë për plotësimin e kërkesave të qytetarëve. Në të kundërt protestat do të përshkallëzohen.

"Në pamje të parë duket se qeveritarët tanë po heshtin lidhur me problemin